José Antonio Cepeda González foi un periodista español.
Biografía Empecipió la so carrera periodística collaborando cola La Nueva España. Depués trabayó n'otros munchos periódicos como La Voz de Castilla, Arriba, Hierro o Información, hasta qu'en 1954 tornó a la redaición de La Nueva España. Darréu foi redactor y direutor de Región, y collaboró viviegamente con otros medios como Radio Nacional d'España. Tamién foi xefe de prensa y comunicaciones de la Diputación Provincial y de la empresa minera Hunosa.
Foi premiáu col Premiu Nacional de Turismu y col de periodismu del Exércitu en trés causes.
Utilizó'l pseudónimu Juan de Neguri pa roblar les sos «», seición que caltuvo mientres munchos años y dio-y una inmensa popularidá n'Asturies. Les sos últimes collaboraciones fueron publicaes en La Voz de Asturias.
El Conceyu d'Uviéu, en sesión de 5 de febreru de 1996, decidió denominar como Periodistes Cepeda a una cai asitiada en La Florida, ente les cais de Fuente de la Plata y de Martínez Cachero. La decisión xustificóse «como forma d'honrar l'exerciciu d'esi noble oficiu y l'apellíu que tantos homes singulares dio pal so exerciciu», en referencia tantu a José Antonio Cepeda como al so hermanu Luis Alberto Cepeda González y el so padre José Antonio Cepeda.
Obres
Referencies
Enllaces esternos
Categoría:Periodistes d'Asturies Categoría:Persones d'Uviéu