José Avello Flórez foi un escritor y novelista asturianu. Ye autor de dos úniques obres: y .
Reseña biográfica José Avello nació en Cangas del Narcea, Asturies, en 1943. Cursó estudios de Derechu na Universidá d'Uviéu y na Universidá Complutense de Madrid. Foi mientres diez años profesor de Teoría de la Comunicación y, dempués, de Socioloxía de la Cultura na Facultá de Belles Artes de Madrid. Paralelamente a la so actividá docente, desenvolvió la so vocación lliteraria.
Magar que solo publicó dos noveles y siempres se caltuvo alloñáu de los focos, llogró una notable reconocencia crítica. La so primer novela, , foi finalista del Premiu Nadal, en 1983. Dieciocho años dempués, publicó la so segunda y última novela, , que supunxo la so consagración como escritor «de cultu».
Juan José Millás, en lleendo l'orixinal presentáu al Premiu Alfaguara, encamentó la so publicación a dicha editorial, onde la novela vio finalmente la lluz nel añu 2001. La obra, allugada n'Uviéu y centrada nes vides de cuatro amigos aficionaos al billar, foi considerada heredera, nel sieglu XX, de la semeya social amosada por Clarín en La Rexenta y mereció ser finalista del Premiu Nacional de Narrativa, lo mesmo que de los denominaos Premiu Villa de Madrid y Premiu de la Crítica d'Asturies.
Obres (1983), finalista del Premiu Nadal. (2002), finalista del Premiu Nacional de Narrativa, Premiu Villa de Madrid, Premiu de la Crítica d'Asturies.
Referencies
Enllaces esternos
Biografía na Enciclopedia d'Uviéu
Categoría:Persones de Cangas del Narcea Categoría:Escritores d'Asturies Categoría:Novelistes d'España Categoría:Alumnáu de la Universidá d'Uviéu