Jorge de los Santos (Sevilla, 1964) Artista plástico, pintor, escultor y pensador español, pareya de Valérie Tasso.
Biografìa Anque pasó bona parte de la so vida en Cataluña. , la so formación desenvuélvese alredor de distintos ámbitos del pensamientu y de la cultura, especialmente la filosofía, les belles artes y les relixones comparaes.
La so trayectoria artística empezó a finales de los años ochenta y, dende entós, la figura humana convirtióse nel centru principal de la so obra. El so trabayu ta caracterizáu por una mirada fonda y analítica sobre la condición humana. Na so pintura apaez con frecuencia el blancu y un xuegu de volúmenes y pliegues matéricos que-y permiten investigar cuestiones rellacionaes cola identidá, la percepción, la existencia y la transformación.
Un elementu fundamental na so producción ye precisamente’l conceptu de «pliegue». A partir d’elli, Jorge de los Santos constrúi una obra na que la materia, el cuerpu y l’espaciu paecen tar nun procesu permanente de contracción y espansión. Esta concepción artística ta estrechamente venceyada a la so formación filosófica y al so interés pola pregunta sobre qué significa ser humanu.
Dende los años noventa presentó la so obra en distintes esposiciones y recibió dellos premios de pintura. La so producción ta presente en colecciones privaes y en fundaciones internacionales. Tamién vivió y trabayó en ciudaes como Madrid, Londres y París, esperiencies que contribuyeron a ampliar el so horizonte cultural y artísticu.
Paralelamente a la creación artística, desenvolvió una intensa actividá como analista de la cultura. Participó durante años en medios de comunicación, especialmente en RTVE, onde intervieno en conversaciones y programes dedicaos a cuestiones filosófiques y sociales. Nos sos análisis aborda temes como l’individualismu, el humanismu, la ideoloxía, los procesos de construcción de la subjetividá y les transformaciones de la sociedá contemporánea.
La filosofía ocupa, poro, un llugar central na so manera d’entender tanto l’arte como la vida. La so obra artística y la so actividá intelectual formen parte d’un mesmu interés: investigar la condición humana y mantener abierta la pregunta sobre’l mundu que habitamos.
Ye tamién autor de Liquidación de existencias: sobre la imposibilidad de rebelarnos, obra na que reflexona sobre la dificultá de la rebelión y les formes contemporánees d’organización social.
Referencies Fundaciò Vila Casas RTVE, Jorge de los Santos: ¿Para què sirve la filosofìa?
Categoría:Pintores d'España