Lourdes García Baizán foi una maestra española. Foi condecorada cola cola Cruz de la Orde d'Alfonso X El Sabiu.
Trayectoria Nació na parroquia de Casomera, nel conceyu asturianu d'Ayer, en 1905. Yera fía de María Lourdes y José, d'oficiu ebanista. Quería ser maestra, polo qu'el 30 de setiembre de 1922 aprobó l'exame d'ingresu na Escuela Normal d'Uviéu.
El 16 de mayu de 1933 consiguió el títulu de Maestra de primera Enseñanza y un añu dempués consiguió la oposición de maestra nacional. Foi destinada a Pezós, en sustitución de Madalena López Díaz, que sería treslladada a Xixón. El 6 d'avientu de 1934, tomó posesión de la plaza na Escuela Unitaria de Neñes de Pezós. Mientres la guerra civil española, siguió impartiendo clases na so escuela. Ente 1936 y 1942, foi incluyida nun espediente de depuración.
Xubilóse el 20 de setiembre de 1974 a los 69 años. Tres la so xubilación, camudose a Xixón, onde finó a los 89 años el 10 de xineru de 1989.
Reconocencies Foi reconocida con Votu de Gracies pola Inspección Técnica d'Educación. En 1972, la Delegación Provincial del Ministeriu d'Educación y Ciencia reconociola cola Cruz de la Orde d'Alfonso X El Sabiu. El Conceyu de Pezós rindió-y un homenaxe por cuenta de esa condecoración. En 1974, un día antes de la so xubilación, la Inspección Técnica d'Educación concedió-y otru Votu de Gracies.
En 2011, foi incluyida xuntu con Palmira Villa González-Río, Concepción Méndez-Villamil, Eva Canel, María Dolores Méndez, Eva Rodríguez, Juventina Jardón, Bernardina Campoamor y Consuelo Álvarez Ledo na publicación que recueye les trayectories de muyeres relevantes de los nueve conceyos que formen el Parque Históricu del Navia.
Referencies
Categoría:Persones finaes en 1989 Categoría:Persones nacíes en 1905 Categoría:Muyeres