Iyana Martín Carrión ye una xugadora de baloncestu asturiana que xuega na posición de base. Dende 2026 forma parte del Spar Girona, de la Liga Femenina Endesa, y ye internacional cola seleición española absoluta.FIBA Basketball. «Iyana Martin (España) – Estadístiques de baloncestu, altor y edá». Consultáu'l 17 de setiembre de 2026.Spar Girona (22 de mayu de 2026). «Iyana Martín, primera incorporación del Spar Girona».
Considerada una de les xugadores más destacaes de la so xeneración nel baloncestu español, foi escoyida séptima na primer ronda del Draft de la WNBA de 2026 poles Portland Fire, convirtiéndose na primera eleición del draft de la nueva etapa de la franquicia d'Oregón.WNBA (13 d'abril de 2026). «Iyana Martín Carrión – 2026 Draft Prospect».Portland Fire (13 d'abril de 2026). «Portland Fire Selects Iyana Martín, Frieda Bühner in 2026 WNBA College Draft». Antes del so saltu a la máxima categoría española formóse nel Centro Asturiano de Oviedo, nel Oviedo Club Baloncesto y nel programa de formación del Segle XXI.Federación Española de Baloncesto (10 d'abril de 2023). «J.26 Iyana Martin, la promesa del baloncesto español brilla con el MVP de la última jornada».
Coles seleiciones españoles de formación consiguió cinco medayes ente 2022 y 2024 y recibió reconocimientos individuales como'l premiu a la xugadora más valiosa del Europeu sub-16 de 2022 y de la Copa del Mundu sub-19 de 2023.FIBA Basketball. «FIBA U16 Women's European Championship 2022 – Competition Stats».FIBA Basketball (23 de xunetu de 2023). «Iyana Martin Carrion crowned TISSOT MVP to lead All-Star Five in Madrid». Cola seleición absoluta foi subcampeona d'Europa en 2025 y consiguió'l bronce na Copa del Mundu femenina de baloncestu de 2026, competición na que foi escoyida Rising Star y integrante del quintetu ideal del campeonatu.FIBA Basketball (13 de setiembre de 2026). «Iyana Martin is the Women's World Cup 2026 Rising Star». Nesti Mundial promedió 17,5 puntos, 4,2 asistencies y 3,3 rebotes per partíu y convirtióse, según la Federación de Baloncesto del Principáu d'Asturies, na primer xugadora asturiana en consiguir una medaya nun Mundial absolutu.Federación de Baloncesto del Principáu d'Asturies (14 de setiembre de 2026). «Iyana Martín hace historia: primera medalla absoluta de una jugadora asturiana en un Mundial».
Primeros años y formación
Martín nació n'Uviéu nuna familia vinculada al baloncestu. El so padre, Juanjo Martín, xugó na Liga EBA, ente que la so madre, María Carrión, llegó a formar parte de la seleición asturiana. Los dos exercieron amás como entrenadores nel Centro Asturiano d'Uviéu, onde Iyana empezó a xugar cuando tenía unos siete años.Juan Morenilla (15 de setiembre de 2026). «Iyana Martín es la nueva revolución del baloncesto español». El País.
Darréu pasó al Oviedo Club Baloncesto, onde aumentó la frecuencia y el nivel de los sos entrenamientos. La so progresión llevóla, con catorce años, a marchar d'Asturies y incorporase en Barcelona al programa de formación del Segle XXI, unu de los principales centros de tecnificación del baloncestu femenín español.
Nel Segle XXI compaxinó les competiciones de la so categoría d'edá col baloncestu sénior. El 18 d'avientu de 2021, con quince años, debutó na Liga Femenina 2 nun partíu contra'l Stadium Casablanca. Disputó menos de cinco minutos y anotó un triple. Esa temporada 2021-22 llegó a participar en siete encuentros del primer equipu.Campo Atrás. «Conoce a Iyana Martín, un diamante que crece con CB Avenida».
Consolidación nel Segle XXI
Na temporada 2022-23 ganó pesu definitivamente na rotación del Segle XXI. Disputó 24 partíos de Liga Femenina 2 con unes medies de 13,6 puntos, 3,3 rebotes, 3,5 asistencies y 2,6 recuperaciones, pa una valoración media de 16,4. L'equipu acabó como líder del grupu B con 21 victories y cinco derrotes, anque pola normativa aplicable al programa formativu nun pudo participar na fase d'ascensu.
Martín cerró aquella campaña consiguiendo'l so primer MVP d'una xornada de LF2. Na xornada 26, contra'l NBF Castelló, sumó 25 puntos, nueve rebotes, cuatro asistencies y tres recuperaciones, con 40 de valoración, que yera entós el so máximu personal na competición.
Continuó nel Segle XXI hasta'l final de la temporada 2023-24. El periodu nel programa catalán coincidió cola so consolidación como una de les principales xugadores de les seleiciones españoles de formación y cola conquista de medayes internacionales nes categoríes sub-16, sub-17, sub-18 y sub-19.
Trayectoria profesional
Perfumerías Avenida
El Perfumerías Avenida anunció'l fichaxe de Martín el 16 de mayu de 2024 por trés temporaes. La base tenía dieciocho años y llegaba directamente de Liga Femenina 2, anque recibiera tamién propuestes del baloncestu universitariu de los Estaos Xuníos. Optó por empezar la so carrera profesional n'España y compartir la posición de base cola veterana internacional Silvia Domínguez.Cadena SER (16 de mayu de 2024). «Silvia Domínguez e Iyana Martín, el presente y futuro de Perfumerías Avenida».Gigantes del Basket (16 de mayu de 2024). «Iyana Martín da el salto profesional de la mano de Perfumerías Avenida».
Temporada 2024-25
Na so primer temporada na máxima categoría participó na Liga Femenina Endesa, na Copa de la Reina de baloncestu y na Euroliga Femenina. Unu de los momentos de mayor repercusión llegó'l 21 de marzu de 2025, nos cuartos de final de la Copa de la Reina contra'l Movistar Estudiantes, cuando anotó la canasta que dio la victoria al Avenida a falta de dos segundos pal final y clasificó al equipu pa semifinales.RTVE (21 de marzu de 2025). «Iyana Martín da la victoria a Perfumerías Avenida con un canastón sobre la bocina».
Na Liga Femenina Endesa disputó 32 partíos, con 9,4 puntos, 2,7 rebotes, 2,9 asistencies y 1,8 recuperaciones de media. Al acabar la fase regular recibió'l premiu de Xugadora Revelación de la temporada 2024-25.El Diario de Salamanca (17 d'abril de 2025). «Iyana Martín irrumpe en el baloncesto profesional como Jugadora Revelación 2024/25».
La so primer participación na Euroliga tuvo tamién reconocencia individual. En once partíos promedió 10,5 puntos, 4,3 rebotes y 3,4 asistencies, con 12,3 de valoración y casi 27 minutos per alcuentru.FIBA Basketball. «Iyana Martin – Career Stats». Al final de la competición foi escoyida EuroLeague Women Young Player of the Year 2025, galardón decidíu combinando los votos d'entrenadores, xugadores, medios de comunicación y aficionaos. Foi la segunda xugadora consecutiva del Perfumerías Avenida en recibir el reconocimientu, dempués de Sika Koné en 2024.FIBA Basketball (12 d'abril de 2025). «Martin Carrion crowned EuroLeague Women Young Player of the Year».
Temporada 2025-26
Na segunda campaña en Salamanca asumió un papel ofensivu y de dirección mayor. Na competición doméstica promedió 14,3 puntos, 4,6 asistencies y 13,8 de valoración, rexistros polos que foi escoyida MVP Nacional de la Liga Femenina Endesa 2025-26, entró nel quintetu ideal del campeonatu y figuró ente les tres finalistes al premiu de MVP absoluta.Endesa Basket Lover (2026). «Premios LF Endesa 2025-2026».
Al nun participar el Avenida na Euroliga, Martín debutó na EuroCup Women. Nos once partíos europeos de la temporada promedió 12,5 puntos, 2,8 rebotes, 5 asistencies y 13,5 de valoración.
El contratu que firmara en 2024 yera inicialmente por trés temporaes, pero'l tercer añu taba condicionáu a que'l Perfumerías Avenida disputara la Euroliga. Al nun consiguir el club plaza pa la competición continental, Martín quedó con posibilidá de salir y el 13 de mayu de 2026 anunció la so marcha de Salamanca dempués de dos temporaes.Cadena SER (14 de mayu de 2026). «Silvia Domínguez arropa y respalda la decisión de Iyana Martín de dejar ahora Perfumerías Avenida».
Spar Girona
El 22 de mayu de 2026, nueve díes dempués d'anunciar la so salida del Avenida, el Spar Girona confirmó la contratación de Martín por dos temporaes. Incorporóse al club catalán como una de les pieces de la plantía pa la temporada 2026-27 y pasó a llevar el númberu 4.Spar Girona. «Iyana Martín #4». Consultáu'l 17 de setiembre de 2026.
El fichaxe producióse dempués de la temporada na que fuera escoyida MVP Nacional de la Liga Femenina Endesa y pocos meses antes de la so destacada participación nel Mundial de 2026.
WNBA
El 13 d'abril de 2026, les Portland Fire escoyeron a Martín col númberu 7 de la primer ronda del Draft de la WNBA. Foi la primer xugadora escoyida pola franquicia nun draft ordinariu de la WNBA dende'l so regresu a la competición en 2026.Federación de Baloncesto del Principáu d'Asturies (14 d'abril de 2026). «La WNBA elige a Iyana y Marta».
Aquella edición tuvo una presencia española especialmente destacada: Awa Fam foi escoyida nel tercer puestu y l'asturiana Marta Suárez nel decimosestu, amás de Martín nel séptimu.
Pese a la eleición, Martín decidió nun incorporase a Portland na temporada 2026. Esplicó que prefería dedicar el branu a descansar y preparar la Copa del Mundu de setiembre cola seleición española.RTVE (15 d'abril de 2026). «Iyana Martín no irá a la WNBA en verano: “Para mi bienestar, necesito descansar”». La WNBA señaló darréu 2027 como'l momentu previstu pa la so incorporación a la franquicia.WNBA (2026). «2026 WNBA Power Rankings: Offseason Moves».
Seleición española
Categoríes de formación
Martín empezó a competir internacionalmente cola seleición española en categoríes inferiores. La so primer competición FIBA rexistrada foi'l FIBA U16 Women's European Challengers de 2021, nel que disputó cinco partíos y promedió 11,6 puntos, 3 rebotes y 2 asistencies.
2022: dos medayes de plata
En xunetu de 2022 participó na Copa del Mundu femenina de baloncestu sub-17 de Debrecen, n'Hungría. España llegó invicta a la final dempués d'eliminar a Malí, Australia y Francia, pero perdió'l partíu pol títulu contra Estaos Xuníos por 84-62.Federación de Baloncesto del Principáu d'Asturies (18 de xunetu de 2022). «Iyana Martín, plata y quinteto ideal mundial». Martín foi la máxima anotadora española na final con 15 puntos y acabó'l campeonatu con 13,4 puntos, 6,1 asistencies, 2,9 recuperaciones y 2,3 rebotes de media, lo que-y valió un puestu nel quintetu ideal del Mundial.FIBA Basketball (2022). «Watkins named TISSOT MVP to lead All-Star Five in Debrecen».
Un mes dempués disputó'l Campeonatu Européu femenín de baloncestu sub-16 en Matosinhos, Portugal. España volvió llegar a la final ensin perder ningún partíu, pero cayó contra Francia por 65-61. Martín terminó'l campeonatu con 17,1 puntos, 3,9 asistencies, 3 recuperaciones y 2,1 rebotes de media y foi designada MVP del tornéu, pese a que la seleición española acabó segunda.Federación de Baloncesto del Principáu d'Asturies (28 d'agostu de 2022). «El MVP del Europeo U16 femenino es asturiano».
2023: bronce sub-18 y MVP mundial sub-19
En xunetu de 2023 formó parte de la seleición que disputó'l Campeonatu Européu femenín de baloncestu sub-18 en Konya, Turquía. España perdió la semifinal contra Francia, pero ganó'l partíu pol bronce frente a Serbia. Martín promedió 14,3 puntos, 5,3 asistencies, 3,7 rebotes y 3,3 recuperaciones, lideró'l campeonatu en robos de balón y foi segunda n'asistencies.FIBA Basketball. «Iyana Martin – FIBA U18 Women's European Championship 2023 – Player Profile». Foi escoyida nel quintetu ideal xunto a Ajsa Sivka, Lea Bartelme, Marine Dursus y Marija Avlijas.FIBA Basketball (9 de xunetu de 2023). «Slovenia star Sivka claims MVP award in Konya».
Dos selmanes más tarde, con namás diecisiete años, participó na Copa del Mundu femenina de baloncestu sub-19 de 2023, celebrada en Madrid y na que competía contra xugadores de hasta dos años más. España llegó a la final y perdió contra Estaos Xuníos por un axustáu 69-66.