El Weird Weétern ye un subxéneru de ficción que combina les convenciones y escenarios del wéstern con elementos de la fantasía, el horror o la ciencia ficción. Les histories suelen ambientase na frontera norteamericana o nun equivalente ficticiu y pueden incorporar fenómenos sobrenaturales, monstruos, maxa, tecnoloxíes anacrónicas o elementos propios del steampunk.«Westerns», The Encyclopedia of Science Fiction.
La combinación de wéstern y ficción fantástica ye anterior a la denominación actual y puede atopase en relatos, seriales cinematográficos y revistes pulp de la primera metá del sieglu XX. Un exemplu tempranu ye'l relatu The Horror from the Mound de Robert E. Howard, publicáu en Weird Tales en 1932.
La denominación Weird Western quedó especialmente asociada a la serie de DC Comics Weird Western Tales, que empezó a publicase con esi títulu en 1972. Dende entós, el conceutu aplicóse a obres de lliteratura, cómic, cine, televisión y videoxuegos que combinen l'imaxinariu del Vieyu Oeste con elementos fantásticos o sobrenaturales.«Weird Western Tales», DC.
El Weird Western diferénciase del wéstern espacial en que caltién normalmente un escenario históricu o inspiráu directamente nel Oeste, ente que'l wéstern espacial tresllada les convenciones del xéneru a escenarios futuristes o extraterrestres.
Referencies
Enllaces esternos
Categoría:Subxéneros de fantasía Categoría:Subxéneros d'horror Categoría:Wéstern Categoría:Ficción especulativa