La fantasía cozy (n'inglés, cozy fantasy) ye un subxéneru de la fantasía carauterizáu por narratives de tonu reconfortante y conflictos de pequeña escala, centraes principalmente na vida cotidiana, les relaciones personales y la construcción d'una comunidá. A diferencia de bona parte de l'alta fantasía, les histories nun suelen depender de guerres, amenaces contra'l mundu o enfrentamientos violentos a gran escala.«What Is Cozy Fantasy? Definition and Popular Examples», Reedsy, 21 de febreru de 2025.
Ente los elementos habituales tán ' amistá, la familia, la recuperación emocional, la cooperación y actividaes cotidianes desarrollaes nun ambiente fantásticu. Les histories pueden centrase nun establecimientu, una pequeña comunidá o un espaciu domésticu y utilizar la maxa como parte normal de la vida de los personaxes.
La denominación ganó popularidá a principios de la década de 2020, especialmente alredor de comunidaes de llectores n'Internet y plataformes como TikTok. Legends & Lattes de Travis Baldree, publicada inicialmente en 2022, convirtióse nuna de les obres más representatives del desenvolvimientu contemporaneu del subxéneru.«Legends & Lattes», Macmillan Publishers.
La fantasía cozy tien puntos en común col hopepunk pola importancia de la cooperación y l'optimismu, anque'l hopepunk puede desenvolver conflictos políticos o sociales de mayor escala y nun se define necesariamente pol tonu íntimu o cotidianu.
Referencies
Enllaces esternos
Categoría:Subxéneros de fantasía Categoría:Ficción especulativa