L'Ecce Homo de Borja (Borcha) foi una pequeña pintura mural, obra del pintor valencianu Elías García Martínez, allugada nel santuariu de Misericordia de Borcha (Aragón, España). Debe la so celebridá al fallíu intentu de restauración per parte de Cecilia Giménez Zueco (1931-2025), quien al repintarla alteró la obra orixinal.
La imaxe orixinal representaba a Xesucristu sufriente con una corona d'escayos na cabeza.
El conceyu local convidó a espertos pa estudiar los daños sufiertos pola pintura y, de ser posible, devolvela al so estáu orixinal. Los estudiosos concluyeron que la pintura atopábase bien deteriorada al tratarse d'un oliu pintáu sobro una paré que nun fuera tratada primero, polo que resultaba imposible restaurala.
Historia La obra orixinal consistía nuna pintura nun muriu internu del Santuariu, d'unos 50 centímetros d'altu por 40 d'anchu. Foi executada por Elías García Martínez, catedráticu na Escuela d'Arte de Zaragoza, na localidá onde solía pasar les sos vacaciones. La pintura, realizada al oliu sobro el muriu secu y ensin imprimante previu, data de 1930 según el Centru d'Estudios Borchanos, aunque nun hai certidume sobro la fecha. Según espertos, esta obra yera de modestu valor económicu y artísticu. Al utilizase una téunica destinada a durar poco tiempu, a principios del sieglu XXI yá amosaba signos evidentes de deterioru.
En 2012, Cecilia Giménez Zueco una aficionada a la pintura qu'antes realizara dellos pequeños trabayos n'otros centros relixosos (entre ellos el retoque d'un llenzu de la Virxe del Carmen nel conventu de Santa Clara de Borcha) decidió repintar la obra enriba ensin cuntar coles conocencies téuniques necesarios para una auténtica restauración. Giménez, quien aquel día cuntaba con 81 años, empezó retocando la túnica, pero foi incapaz de reproducir los trazos orixinales na cara de Cristu. Les autoridaes locales, al comprobar que la imaxe fuera repintada, consideraron de primeres que tratabase d'un actu vandálicu. La pintora, sicasi, declaró que foi autorizada a restaurar la pintura pol cura responsable de la ilesia y que la so obra taba inconclusa, yá que la dexara ensugar cuando s'espublizaron les imáxes y nun se -y dexó siguir trabayando.
Descendientes del autor manifestaron el so deséu de donar a la ilesia de Borcha un llenzu del Ecce Homo, de carauterístiques similares al del Santuariu, pos l'autor realizó diverses versiones.
Reacciones y influencies Esta fallida restauración convirtióse de momentu nun fenómenu d'internet humorísticu conocíu como el Ecce Monu, inspirándose nel reportaxe de Christian Fraser, corresponsal de la BBC, quien dixo que el resultáu paecese a un «bocetu a llápiz d'un monu bien peludo con una túnica que nun-y afai bien». Dellos portales de noticies húngaros denominaron al frescu dañado Xesús peludou () o Cristu peludo ().
N'Internet aparecieron versiones humorístiques de la restauración, protagonizaes por personaxes famosos n'España como Belén Esteban, Fernando Alonso o Kiko Rivera. Un falsu tráiler humorísticu sobro la obra, en la plataforma YouTube, llevó el títulu d'Ecce Homo Reloaded, The Movie: un montaxe de tomes de la película The Da Vinci Code xunto col reportaxe que l'informativu de Telecinco realizó a Cecilia Giménez quien, énte estes repercusiones, esperimentó un cuadru de depresión.
Referencies
Enllaces esternos
Categoría:Monumentos d'España Categoría:Fenómenos d'Internet Categoría:Cultura d'Aragón