La fayalita ye un mineral de la clase de los nesosilicatos, y dientro d'esta pertenez al llamáu grupu del olivino. Foi afayada en 1840 en roques volcániques na islla de Fayal, nel archipiélagu de les Azores (Portugal), d'onde toma el so nome.
Carauterístiques químiques Ye un silicatu de fierro, l'equivalente con Fe2+ de la forsterita, la tefroíta y el olivino cálcicu, otros minerales del so grupu.
Forma dos series de solución sólida, una d'elles cola forsterita (Mg2SiO4), na que la sustitución gradual del fierro por magnesiu va dando los distintos minerales de la serie. Una segunda serie ye la que forma cola tefroíta ((Mn2+)2SiO4), na que se va sustituyendo el fierro por manganesu y va dando minerales antes llamaos hortonolita o knebelita (nomes ensin aceptar güei). Tolos minerales de dambes series cristalicen nel sistema ortorrómbico.
Amás, la fayalita pura ye bien rara y ye bien común que lleve impureces de manganesu.
Formación y xacimientos Ye bien raru na naturaleza, pero ye bien común atopalu que se fabricó artificialmente nes escories de fierro que se producen en procesos de metalurxa. De forma natural apaez en roques ígnees ultramáficas que s'emprobecieren en xil. Tamién en roques plutóniques, raramente en pegmatitas de granitu. Exemplares notables, con microcristales bien definíos,elcuéntrense nes canteres asitiaes sobro el volcán Bellerberg, Ettringen, Mayen-Koblenz, Rhineland-Palatinado, (Alemaña )
Suel atopase acomuñáu a otros minerales como: augita, plagioclasa, microclina, cuarzu, apatito, magnetita, ilmenita, espinela, hedenbergita, arfvedsonita, anfíboles, almandino, tridimita o grunerita.
Referencies
Enllaces esternos
Fayalita , mindat.org. Fayalita, webmineral.com. Manual de fayalita , Mineral Data Publishing. Categoría:Minerales