Xusto Álvarez Amandi foi un escritor, catedráticu y historiador asturianu, primer traductor d'Horaciu del llatín al asturianu.
Biografía Aprobaos los dos primeros cursos del bachilleratu na Universidá d'Uviéu, Xusto Álvarez Amandi pasó al Seminariu. Darréu, tornó a la universidá, onde llicencióse cola calificación de sobresaliente el 23 de xunu de 1861 en Derechu Civil y Canónicu y doctoróse en Filosofía y Lletres. Mientres foi estudiante d'esta última titulación, a partir de 1858, foi profesor per designación del rector hasta que les cátedres de Lliteratura Llatina, Llingua Griega y Lliteratura Castellana fueron cubiertes colos sos respectivos titulares.
Ingresa por concursu nel escalafón de catedráticos d'universidá, el 5 de xunu de 1876, ocupando n'Uviéu la cátedra de Lliteratura Clásica Llatina. Pasa a desempeñar dempués la cátedra de Metafísica, qu'en 1900 tresformase en cátedra de Lóxica fundamental de la Facultá de Filosofía y Lletres de la Universidá de'Uviéu, Facultá de la que yera Decanu dende 1897.
Collaborador habitual de la prensa y revistes llocales, trataba sobre manera asuntos históricos y relixosos. Publicó los sos primeros testos — de tipu xurídicu y históricu y poemes en castellanu y asturianu — na Revista de Asturias y n'otres publicaciones uvieines.
Obres Memorias del Instituto de Tapia, Uviéu, 1872- 1875 El martirio de Santa Eulalia de Mérida, Uviéu, 1877 La elocuencia forense en Roma, Uviéu, 1878 Lecciones de Literatura latina, Uviéu, 1880 Apuntes histórico-literarios sobre la antigua Grecia, Madrid, 1880 El doctor don José Puente Villanúa, Madrid, 1881 La catedral de Oviedo: perfiles histórico-arqueológicos, Uviéu, 1882 Programa de Lógica fundamental, Uviéu, 1910 Monumentos religiosos de Oviedo
Bibliografía
Referencies
Enllaces esternos
Categoría:Escritores d'Asturies Categoría:Persones d'Uviéu Categoría:Escritores d'Uviéu Categoría:Profesores de la Universidá d'Uviéu Categoría:Historiadores d'Asturies Categoría:Traductores al asturianu Categoría:Traductores del llatín