Luisa Güemes Güemes , tamién citada como Elisa, foi una maestra española sumida nos empiezos de la guerra civil española, en siendo detenida pola Guardia Civil.
Trayectoria En 1915 llogró la plaza de maestra de Monesteriu de Rodía. En 1924 llogró la so plaza de maestra en Lomana. Taba casada con Ceferino Mata Pládanu, de Rioseras, qu'estudiara en Francia. Este llogró la so plaza de maestru nel Valle de Tobalina, en Quintana María, barganal de Lomana. Al empiezu de la guerra civil, él, significáu políticamente, escondióse en casa de les sos hermanes. Al saber qu'ella sumiera, apurriose a les autoridaes. Ingresó en prisión el 18 d'agostu de 1936, d'onde salió “pasiáu” el 8 de setiembre. En fusilándolo en Villamayor de los Montes foi refundiáu a una cuneta.
El 18 d'agostu de 1937, l'espediente de depuración del Maxisteriu de 1ª Enseñanza de Burgos resolvió dala de baxa definitiva nel escalafón a Güemes Güemes, maestra propietaria de la localidá de Lomana nel Conceyu de Tobalina. En el so espediente citen declaraciones del alcalde de Tobalina, de vecinos y del comandante del puestu de la Guardia Civil de Oña nes que se -y acusa de ser izquierdista del Frente Popular, amás de marxista. Tamién de que fixo propaganda d'Esquierda Republicana.
El so espediente de depuración ta nel Archivu Xeneral de l'Alministración y tien signatura 32/13185.
Referencies
Categoría:Víctimes de la represión na zona franquista Categoría:Maestres de la Segunda República Española