Anton Tomaž Linhart foi un dramaturgu ya historiador eslovenu, más conocíu por ser l'autor de la primer comedia n'eslovenu, Županova Micka (Micka, la fía del mayor). Tamién se-y considera como'l padre de la historiografía eslovena por ser el primer historiador n'escribir la historia de los eslovenos en cuanto unidá, refugando los estudios precedentes por tomar como puntu de referencia les provincies históriques.
Biografía Yera fiu d'un pedagogu d'ascendencia checa.
Asistió a la escuela primaria na so ciudá natal, y más tarde tamién en Llubliana. Estudió comerciu y financies en Viena. Antes de terminar los sos estudios tamién pasó dalgún tiempu nel monasteriu de Stična en Baxa Carniola. En tornando a Llubliana, foi contratáu como archiveru pol obispu de la ciudá. Tamién desempeñóse como comisariu escolar, y como secretariu rexonal de l'administración imperial.
En 1786 foi nomáu comisariu escolar del distritu de Llubliana y, tres trés años nel cargu, dobló'l númberu d'escueles rurales, que pasaron de 9 a 18. Tamién consagró munches enerxíes a la fundación d'una biblioteca en Llubliana y foi gracies a la so iniciativa que se creó la Biblioteca de Licéu.
Linhart foi deísta y bien críticu al respective de los privilexos de la nobleza y de la ilesia. Aunque nun principiu foi partidariu del emperador Xosé II d'Habsburgu-Lorena, foi críticu de les sos polítiques centralistes y de la poca atención que lu emprestó a les llingües rexonales del imperiu.
Referencies
Bibliografía
Enllaces esternos
Categoría:Escritores n'eslovenu Categoría:Escritores d'Eslovenia Categoría:Dramaturgos y dramaturgues d'Eslovenia Categoría:Poetes d'Eslovenia Categoría:Historiadores