Valentin Vodnik , foi un sacerdote, franciscanu, poeta, traductor, ilustrador y llingüista eslovenu.
Biografía Dempués de terminar el bachilleratu en Llubliana, ingresó na orde franciscana. De 1776 a 1778 estudió filosofía na escuela franciscana de Rudolfswerth (güei Novo Mesto), y dende 1778 vivió nel monasteriu franciscanu de Llubliana, onde cursó estudios de teoloxía. Foi ordenáu sacerdote en 1782 en Croacia, na islla dálmata de Veglia (Krk).
En 1798 convirtióse en profesor nel Ximnasiu de Llubliana. En 1809, los exércitos de Napoleón Bonaparte prindaron Carniola y l'emperador francés estableció l'estáu satélite de les provincies Iliries. Los franceses dexaron que nes escueles enseñaren clases n'eslovenu, polo que Vodnik sofitó a les autoridaes franceses y convirtióse en director de ximnasiu y supervisor de escueles primaries y profesionales.
Cuando l'imperiu austriacu recuperó territoriu eslovenu, la posición de Vodnik deterioróse por cuenta del so sofitu al gobiernu francés. En 1815 torgóse-y poder exercer tolos servicios escolares.
Valentin Vodnik foi autor de numberosos poemes n'eslovenu, y tamién ye importante'l so trabayu llingüísticu, col que pretendía desenvolver el vocabulariu eslovenu. Vodnik dedicó muncho tiempu al primer periódicu eslovenu, Lublanske novize (Noticies de Llubliana).
Referencies
Bibliografía
Enllaces esternos
Categoría:Escritores n'eslovenu Categoría:Escritores d'Eslovenia Categoría:Persones de Liubliana Categoría:Sacerdotes católicos Categoría:Poetes d'Eslovenia Categoría:Traductores al eslovenu Categoría:Periodistes d'Europa Categoría:Franciscanos