La Banda de Gaites Teixo - Manolo Quirós ye una agrupación musical española. Surde dientro de l'Asociación Cultural y Folklórica Teixo en 1996. El so fundador, Manolo Quirós, foi el so director y docente hasta l'añu 2001. La denominación de "Teixo" adóptala del Texu de Bermiego, y "Manolo Quirós" sería-y añadíu a partir del fallecimientu del maestru y fundador de la banda de gaites. Anguaño, los profesores de la banda de gaites son Alberto Varillas y Gustavo Eguren.Quirós, Manolo (1993). El libro de la gaita. Asociación Cultural Linares. ISBN 84-86889-26-X.

Ta formada por quince músicos, distribuídos ente gaites en tonalidá de Do y percusiones.

Ufierta dos tipos d'actuaciones: una como banda de gaites tradicional, apropiada para participaciones en muestres folclóriques, pasacalles, desfiles, etc., asina como otru formatu para actuaciones d'escenariu, onde s'acompaña d'otros instrumentos, como teclaos, saxofones, acordiones diatónicos, acordiones midi, gaites midi, wistles, etc., toos ellos interpretaos polos mesmos músicos de la banda.

Unu de los sos principales oxetivos y llogros foi la recuperación delles fiestes del conceyu de Quirós, nes que se ameniza la procesión del santu o santa titular. Na actualidá participen en toles festividaes del conceyu, ente elles dalgunes tan destacaes como la Fiesta del Corderu nel Prau Llagüezos (declarada d'Interés Turísticu Nacional), San Melchor en Cortes (celebración dedicada al únicu santu asturianu) o les festividaes de San José y San Miguel de Bárzana.

Nel añu 2014 l'Asociación de Telespectadores y Radioyentes del Principáu facía entrega a la Banda de Gaites Teixo-Manolo Quirós, del premiu al meyor videu del añu pola so obra "Molinos de Corroriu", recreación artística que conxugaba la música cola mitoloxía asturiana .

Por cuenta del so XX aniversariu, l'agrupación editó el so primer discu, que lleva por títulu "Suaños al Alba". Nel añu 2017 el cantar de la Banda de Gaites Teixo-Manolo Quirós “Suaños al Alba” llogró el premiu AMAS al meyor cantar folk. El tema, integráu dientro del discu homónimo y compuestu por Gustavo Eguren, cuntaba con Anabel Santiago a la voz solista, arreglos de Berto Varillas, y colos alumnos del Colexu Virgen d'Alba y de la Escuela de Música Tradicional Manolo Quirós a los coros, xunto al coru d'adultos del conceyu de Quirós. Los responsables de la banda quirosana, nes primeres valoraciones públiques del galardón, señalaron que'l premiu lleváralo tola comunidá, yá que se trataba d'una creación “fecha baxo la unión de vecinos y amigos”.

Entama tamién alcuentros de Bandes de Gaites. N'abril de 2017 con motivu del II Alcuentru de Bandes de Gaites participaron l'Agrupación Folclórica “El Gumial” d'Ayer, la Banda de Gaites “Villaviciosa – El Gaiteru” de Villaviciosa y “Conceyu de Siero”. miniaturadeimagen|Semeya tomada nel 'Xixón Folk’, el Festival entamáu pela banda de Gaites ‘Saxum’ que llevó el folclor asturianu al parque fluvial de Viesques en 2024.

Escuela de Música Tradicional Teixo - Manolo Quirós Pocos años dempués de la fundación de la banda de gaites, fúndase la Escuela de Música Tradicional Teixo-Manolo Quirós. Ente les materies impartíes pola escuela atópense gaita , percusión, acordión diatónica , llinguaxe musical, baille y canto. Ente los oxetivos de la escuela atópense:

Favorecer el desenvolvimientu personal y la convivencia al traviés de la música y el folclore. Conocer les manifestaciones culturales de la comunidá quirosana en concretu y asturiana polo xeneral. alt=Orquestina Los Llamargones|miniaturadeimagen|Orquestina Los LlamargonesConocer les propiedaes de distintos instrumentos musicales tradicionales (gaita, tambor, panderos, castañueles, panderetes…) y aprender a utilizalos con fines espresivos ya interpretativos. Utilizar el cantar y el baille tradicionales como instrumentu de representación musical. Adquirir nociones básiques de llinguaxe musical. Participar y esfrutar d'espectáculos musicales y muestres folclóriques. Investigar y recuperar tradiciones etnográfiques y folclóriques de Quirós. Investigar, arrexuntar y documentar cantares de tradición oral del conceyu .

Formaciones

Banda de gaites alt=Escuela de Música Tradicional Banda de Gaitas Teixo-Manolo Quirós|miniaturadeimagen|Escuela de Música Tradicional Banda de Gaites Teixo-Manolo Quirós La banda ta formada por diez gaites, trés tambores, un timbal, un bombu y un acordión diatónicu. alt=Baile Banda Gaitas Teixo-Manolo Quirós|miniaturadeimagen|Baille Banda Gaites Teixo-Manolo Quirós

Baille El cuerpu de baille ta formáu por trés pareyes de baille d'adultos y trés pareyes infantiles. El repertoriu ta basáu en bailles tradicionales asturianos como delles jotas, muñeires y el saltón.

Orquestina tradicional La orquestina tradicional fórmase nel añu 2011 con componentes de la banda de gaites. Toma'l nome de “Los Llamargones”, antigua mina de fierro del conceyu. Ta formada por una gaita, un acordión diatónicu, un saxofón altu, un bombu y un tambor tradicional.

Nes actuaciones d'escenariu, la formación de la banda tradicional conviértese nuna formación multiinstrumentista, pudiendo llegar a tar compuesta poles gaites, gaita midi, caxes de media tensión, timbal, bombu, set de percusión formáu por bongós, llueca y pandereta, teclaos midi, tecláu midi de bandolera, acordiones diatónicos, acordión diatónicu midi y pedalera midi de baxos.

Principales actuaciones

Actuaciones col grupu folk rock “Celtas Cortos” (2012 y 2013). El grupu rock "Celtas Cortos" llegó a dar un conciertu gratuitu na localidá de Bárzana. La visita del grupu vallisoletano foi el pagu a la creatividá de la banda quirosana, qu'editó un videu promocional 'La senda del tiempo', que resultó escoyíu ente más de 200 participantes.

Actuaciones en dellos viaxes a Cuba (1998 y 1999) Actuación nel Centru Asturianu de Benidorm (1997) Actuación nel Teatru Municipal de Scäer, Bretaña , Francia (2010) Actuación en Querrien, Bretaña , Francia (2010) Actuación en Tres Cantos, Madrid (2011) Actuación en Palma de Mallorca (2011) Homenaxe a Manolo Quirós en Bueida, Quirós (2001) Homenaxe a Manolo Quirós, Teatru Filarmónica d'Uviéu (2012)

Referencies

Categoría:Bandes de gaites d'Asturies Categoría:Organizaciones fundaes en 1996 Categoría:España en 1996