Vučja Gomila (pronunciáu [ˈʋuːtʃja ɡɔˈmiːla]; en prekmuru: Vuča Gomila, n') ye una llocalidá del conceyu Moravske Toplice de Transmurania n'Eslovenia.
Tien una superficie de na que viven un total de , alcuéntrase a unos 264 metros sobre'l nivel del mar. Llenda coles siguientes llocalidaes: Bogojina, Bukovnica, Čikečka vas, Filovci, Fokovci, Moravske Toplice, Motvarjevci, Selo, Suhi Vrh, Tešanovci. Alcuéntrase al norteste a 12 km de Murska Sobota, la capital de Transmurania, na zona montesa de la rexón (n'eslovenu goričko).
Nun ta del tou claro cuándo se mentó l'asentamientu per primer vegada en fontes históriques. Nel añu 1365 l'asentamientu de Gasparhaza () foi conseñáu en documentos antiguos. Gasparhaza puede ser el mesmu que Vučja Gomila o puede ser una aldega del sur del pueblu. Nel contratu de Martjanci, robláu'l 1 de xineru de 1643, que ye unu de los primeros documentos escritos en llingua prekmura, yá puede vese'l nome del pueblu escritu como Vuchegomile.
Tocantes a la relixón, la mayoría de la población ye luterana y pertenecen a la parroquia protestante en Moravske Toplice. La minoría católica tien una parroquia en Martjanci. El pueblu pertenez a Eslovenia dende 1919.
La capiya neogótica del pueblu foi construyida na primer metá del sieglu XX. La casona de la familia Miškin, construyida en 1929, tamién ye un monumentu cultural.
Referencies
Bibliografía
Enllaces esternos
Categoría:Llocalidaes de Transmurania