Agnimitra ( foi'l segundu emperador de la dinastía Shunga, que llogró gobernar gran parte del norte y centru del subcontinente indiu. Socedió a so padre, l’emperador Pushyamitra Shunga, nel 149 e.C., y reinó ocho años según les fontes purániques, hasta'l 141 e.C.Lahiri, Bela (1974). Indigenous States of Northern India (Circa 200 B.C. to 320 A.D.). Calcuta: University of Calcutta, pp. 47–50.
Aniciu y familia Según Kālidāsa na so obra Mālavikāgnimitra (Actu IV, versu 14), Agnimitra pertenecía a una familia brahmánica Baimbika; los Puranes tamién lo describen como un Shunga.Raychaudhuri, Hemchandra (1972). Political History of Ancient India: From the Accession of Parikshit to the Extinction of the Gupta Dynasty. Calcuta: University of Calcutta, p. 328. Antes de ser rei, exerció como goptri (virréi) en Vidisha baxo’l reináu del so padre.
La obra Mālavikāgnimitra recueye los nomes de tres de les sos consortes: Dharini (madre del so socesor Vasumitra), Iravati y Malavika, princesa de Vidarbha.
Campañes militares Conquista de Vidarbha Según el Mālavikāgnimitra (Actu I, versos 6–8 y Actu V, versos 13–14), durante’l periodu en que yera virréi de Vidisha entablóse un conflictu ente los Shunga y el reinu vecín de Vidarbha. Antes, Vidarbha independizarase del Imperiu Maurya cuando un antiguu sachiva maurya (secretariu) sentara nel tronu al so cuñáu Yajnasena. El so primu Madhavasena pidió ayuda a Agnimitra, pero foi prindáu al travesar la frontera.
Agnimitra esixó la lliberación de Madhavasena; Yajnasena reclamó a cambiu la del secretariu maurya. Ante la negativa, Agnimitra invadió con un exércitu Vidarbha, venció a Yajnasena y obligó a dividir el reinu ente él y Madhavasena, reconociendo dambos la soberanía de los Shunga.Kalidasa, Encyclopedia Americana
Reináu y socesión Agnimitra asumió como emperador a la muerte de Pushyamitra en 149 e.C. y gobernó hasta 141 e.C. Según el Vayu Purana y el Brahmanda Purana, el so reináu duró ocho años. Tres la so muerte, foi socedíu probablemente pol so fíu Vasujyeshtha (según el Matsya Purana) o por Sujyeshtha (según el Vayu, Brahmanda, Vishnu y Bhagavata Purana).
Llexáu cultural Agnimitra ye un de los pocos reis shunga representaos na lliteratura sánscrita. La obra teatral Mālavikāgnimitra de Kālidāsa nun solo lo presenta como protagonista, sinón qu’ufierta una imaxe del contestu políticu, militar y cultural de la corte shunga.
Ver tamién Dinastía Shunga Imperiu Maurya Mālavikāgnimitra
Referencies
Enllaces esternos Llista de reis de Magadha (Bruce Gordon, Regnal Chronologies).
Categoría:Reis de la India Categoría:Dinastía Shunga Categoría:Monarques del sieglu II e.C. Categoría:Persones finaes en 141 e.C.