Francisco Villar foi un pintor asturianu.
Biografía Nació nel conceyu d'A Veiga. En 1883, cuando tenía 11 años, emigró a Arxentina, onde desarrolló la so carrera artística. Ellí, formóse como artista con Henri Stein, Angeldella Valle y Reinaldo Giudici. En 1895 viaxó a Europa pa estudiar n'Italia con Mancini, y en 1899 tornó a Arxentina. Nun segundu viaxe percorrió España, Francia, Italia y los Estaos Xuníos, onde espunxo en Nueva York y Boston.
En 1912 volvió a España y conoció en Granada a Léonie Matthis, con quien tornó a Arxentina pa estudiar los tipos populares del norte del país. Participó nel Salón Nacional dende 1914 y ganó'l Premiu Únicu pa Estranxeros cola obra El Erquencho. Inspiróse nos habitantes típicos d'Arxentina, retratándolos con gran fondura psicolóxica y fidelidá. El so estilu sigue la escuela española, con influencies de Velázquez nel retratu y de Sorolla nos paisaxes y escenes de costumbres.
Vida personal Casó con Léonie Matthis, una de les primeres muyeres en ser almitida na Escuela Nacional Superior de Belles Artes de París en 1904. Tuvieron descendencia: la nieta de Léonie ye Adriana Léonie Villar, y la bisnieta Paula Léonie Vergottini, quien conserva parte de la obra y oxetos personales de l'artista.
Referencies
Enllaces esternos
Categoría:Pintores d'Asturies Categoría:Persones d'A Veiga