L'africafuturismu ye una estética cultural y una filosofía de la ciencia que centra la fusión de la cultura africana, la so historia, mitoloxía y puntos de vista, con teunoloxía con base n’África y ensin llendar la so mirada a la diáspora africana.
Términu El términu foi alcuñáu pola escritora nixerianoamericana Nnedi Okorafor en 2019, nuna entrada del so blogue, como una sola pallabra.
Nnedi Okorafor define l'africafuturismu como una subcategoría de la ciencia ficción «direutamente vinculada cola cultura, historia, mitoloxía y puntos de vista africanos… y que nun privilexa nin centra Occidente», con una visión optimista del futuru, escrita por y centrada en «xente d’orixe africanu» y con raigaños nel continente africanu. Según esta definición, el so centru ye África, anque frecuentemente s’estiende más allá del continente pa incluyir la diáspora negra, inclúi tamién obres de fantasía ambientaes nel futuru, con un componente «más de ciencia ficción que de fantasía» y xeneralmente con elementos místicos.
Diférenciase del afrofuturismu, que se centra principalmente na diáspora africana, sobre manera nos Estaos Xuníos. Les obres d’africafuturismu inclúin ciencia ficción, fantasía, historia alternativa, horror y realismu máxicu.
Escritores Escritores d’africafuturismu inclúin a Nnedi Okorafor, Tochi Onyebuchi, Oghenechovwe Donald Ekpeki, Tade Thompson, Namwali Serpell, Wole Talabi y Suyi Davies Okungbowa.
Referencies
Categoría:Ciencia ficción Categoría:Cultura africana Categoría:Artes visuales Categoría:Filosofía de la ciencia