La islla Maiao (Mai’ao en tahitianu normalizáu ) ye una islla del grupu del Vientu de les islles de la Sociedá, na Polinesia Francesa. Ta asitiada a 75 km al oeste de la islla de Moorea, con quien forma la comuña de Moorea-Maiao.Maps Maiao
Xeografía La islla tien la particularidá de tener dos llagos interiores, amás de la llaguna esterior arrodiada poles estorbises de coral. Los trés tán conectaos por canales soterrañes pero tienen un altu grau de salín. La superficie total ye de 10 km², y l'altitú máxima ye de 154 m.s.l.m.
Demografía La villa principal ye Taora-o-mere, onde vive la mayoría de los 324 habitantes (censu del 2002). L'actividá principal ye la pesca, la copra y, sobre manera, la fabricación artesanal de teyes tradicionales de fueyes de pandanáceas trenzadas que faen para la mayoría d'hoteles de luxu de la Polinesia. Al contrariu, para les sos cases utilicen teyes prefabricaes para poder recoyer l'agua de l'agua. Amás, los habitantes fuxen del turismu na so islla. Refugaron la construcción d'un aeródromu y d'un hotel, y decidieron que los foresteros nun pueden tar más d'una xornada.Maiao y los turistes
Historia En tahitianu "Mai'ao Iti" significa "pequeña pata" o "garra de páxaru". Históricamente taba sol dominiu de Huahine, y yera llamada Tupuaemanu o Tubuai Manoa. Foi afayada pol inglés Samuel Wallis en 1767, que la llamó Saunders. Para Domingo Bonaechea, (1775) yera La Pelada .
Galería
Referencies
Enllaces esternos
Maiao en Tahití Heritage,
Categoría:Océanu Pacíficu Categoría:Polinesia Francesa