Sara Socas Martín ye una cantante, freestyler y compositora española. Convirtióse en 2021 na primer muyer en xubir como freestyler a la Freestyle Master Series (FMS), considerada la lliga más importante n'España d'esti ámbitu.
Trayectoria Estudió'l doble grau de Periodismu y Comunicación Audiovisual na Universidá Carlos III de Madrid. Empezó nel mundu del freestyle rap nel añu 2017 y tamién toca dellos instrumentos musicales, como la guitarra, el pianu y el baxu. Ye collaboradora del programa radiofónicu La Ventana de la Cadena SER xunto col raperu Arkano, amás d'editora en Los 40, ente otros. Tamién impartió talleres de rap en dellos institutos de la Comunidá de Madrid empobinaos a adolescentes en riesgu d'esclusión social. miniaturadeimagen|Sara Socas (derecha) cantando xunto a Erika Do Santos. En 2019, foi una de les dos úniques muyeres participantes na Batalla de Gallos de Red Bull, xunto a la tamién rapera Erika Dos Santos. N'avientu de 2019, foi la única muyer en participar nes batalles de gallos d'exhibición d'Otumba en Ciudá de Méxicu llevaes a cabu pola organización de freestyle Beatle League. El so retruque de calter feminista na batalla contra Rapder dientro d'esi eventu convirtióse en trending topic en Twitter dándola a conocer ente'l gran públicu. En 2020 foi escoyida pa dir como reserva a la Final Internacional de Red Bull Batalla de los Gallos. En xineru de 2021, participó na Lliga Nacional de Freestyle (FMS) d'España, convirtiéndose asina na primer muyer en competir nuna FMS. Un añu antes refugara la invitación de la organización de la FMS España pa formar parte de la lliga nacional, yá que quería llograr l'accesu compitiendo, finxu que finalmente llogró n'abril de 2021.
En 2019, presentó y Sugarina xunto a Vlack Motor, amás del tema Vuelve col cantautor Fran Mariscal. Foi incluyida nel cartelu del Holika Festival 2020. A finales de 2020 presentó'l senciellu Bambi y en 2021 llanzó nes plataformes sociales el tema Apareciste tú.
En 2023, abandonó'l freestyle en recibiendo ataques d'odiu y machistes en redes sociales pola so condición de muyer y lesbiana. Ese mesmu añu, presentó TFN-MAD, el so primer discu, con influencies rap, trap, bachata y r&b, producíu por Acción Sánchez de SFDK.
Reconocencies Socas ganó la segunda edición de la Girl Battle de Madrid celebrada en 2017, onde venció a la rapera Rasvy na final. Tamién llegó a los cuartos de final de la DH17 Battle y de la Pre-Nacional Battle de Royal Rap. Al añu siguiente, en 2018, ganó la Femme Battle 2018, un tornéu de batalles femenines, y la Batalla d'Azuqueca 2018. Esi añu tamién llegó a los cuartos de final del Urban Festival de Madrid. En 2019, foi semifinalista de la competición internacional Red Bull Batalla de los Gallos 2019, siendo una de les dos úniques muyeres participantes na mesma. En xineru de 2021, convirtióse na ganadora de la rexonal de Gold Battle Barcelona.
En 2021, Socas foi campeona de la Copa Federación na Final Nacional de la Batalla de Maestros d'España, aportando de manera directa a la final de la FMS. Foi la primer muyer en consiguilo. D'esta manera, foi unu de los dolce raperos que participaríen na FMS la siguiente temporada.
Referencies
Enllaces esternos
Categoría:Cantantes d'España Categoría:LGBT n'España Categoría:Lesbianismu