Fahima Mirzaie ye una baillarina, profesora de danza y activista afganistana, defensora de los derechos de les muyeres d'Afganistán, residente en Francia. N'avientu de 2021 foi incluyida na llista de la BBC de les 100 muyeres más influyentes del mundu.
Trayectoria Fahima Mirzaie ye la única muyer derviche afganistana que practica semazen, un tipu de meditación propia del sufismu, consistente nuna danza na que, quien la practica, realiza movimientos de rotación sobro la so propia exa. El semazen o "rotación de dervix" forma parte de la ceremonia Samà.
Mirzaie fundó una escuela mista de danza sufí llamada Shohod Arefan. A principios de 2021, el gobiernu afganistanu prohibió a les neñes n'edá escolar participar n'actividaes de baille y cantu. Cuando los talibanes tornaron esi branu, Fahima tuvo que fuxir del so país, so acusaciones d'herexía y d'incumplimientu de la xaria, que nun dexa a les muyeres facer semazen. Dende setiembre de 2021 atópase exiliada en Francia.
Reconocencies La historia de Fahima forma parte del documental de la BBC tituláu Farewell my Afghanistan (n'asturianu, Adiós el mio Afganistán) (Kawoon Khamoosh, 2021). N'avientu de 2021, foi nomada una de les 100 muyeres más influyentes del mundu pola BBC.
Referencies
Enllaces esternos
Categoría:Persones d'Afganistán Categoría:Baillarinos y baillarines d'Afganistán