Anarkali Kaur Honaryar ye una política afganistana sikh. Activista de los derechos de les muyeres ye amás dentista y médica.
Hai alredor de 30.000 sikhs ya hindús n'Afganistán, Kaur Honaryar pertenez a esta comunidá. Foi la primera non musulmana de l'Asamblea Nacional d'Afganistán.
Trayectoria Cuando los talibanes fueron derrocaos en 2001, Honaryar estudió medicina na Universidá de Kabul. Foi miembru de la Jirga qu'escoyó al gobiernu interín d'Afganistán tres la cayida del réxime talibán, y tamién miembru del Comité de la Constitución afganistana. En 2006, convirtióse en miembru de la Comisión Independiente de Derechos Humanos d'Afganistán.
En 2010, Honaryar foi escoyida para la Cámara de los Vieyos del país siendo la primer muyer non musulmana en llogralo; dexó'l so cargu a mediaos de 2015.
El 22 d'agostu de 2021, llegó a la India al pie de los indios rescataos poles fuerces indies d'Afganistán tres la cayida de Kabul énte los talibanes en 2021.
Reconocencies Honaryar ye una conocida activista de derechos humanos y foi gallardoniada col Premiu Madanjeet Singh Unesco para la Promoción de la Tolerancia y la Non Violencia "pol so llabor en favor de les muyeres que sufren abusos domésticos, matrimonios forzaos y discriminación de xéneru y pol so compromisu de promover los ideales de la dignidá humana, los derechos humanos, el respetu mutuu y la tolerancia nel so país." En 2009 tamién foi escoyida per Radiu Free Europe como Persona del Añu.
Referencies
Enllaces esternos
Categoría:Persones d'Afganistán Categoría:Activistes polos derechos de la muyer