The Go-Betweens foi unha banda de indie rock formada en Brisbane, Australia en 1977 polos cantantes, compositores e guitarristas Robert Forster e Grant McLennan. Posteriormente uníronselles Lindy Morrison na batería, Robert Vickers no baixo e Amanda Brown no violín, óboe, guitarra e coros, antes de separarse a finais de 1989. Forster e McLennan reformaron a banda no ano 2000 cunha nova formación. McLennan morrería o 6 de maio do 2006 dun ataque ao corazón e The Go-Betweens desfaríase novamente.
En 1988, "Streets of Your Town", o primeiro sinxelo do álbum 16 Lovers Lane, converteríase no maior éxito da banda nas listas australianas e británicas. O seguinte sinxelo, "Was There Anything I Could Do?", sería número 16 na Billboard Modern Rock Tracks estadounidense. En maio do 2001, "Cattle and Cane", do álbum de 1983 Before Hollywood, foi escollida pola Australasian Performing Right Association (APRA) como unha das 30 mellores cancións australianas de todos os tempos.
Discografía Álbum Ano Selo Send Me a Lullaby 1982 Missing Link Records Before Hollywood 1983 Stunn Spring Hill Fair 1984 Sire Records Liberty Belle and the Black Diamond Express 1986 True Tone Records Tallulah 1987 True Tone Records 16 Lovers Lane 1988 Mushroom Records The Friends of Rachel Worth 2000 W. Minc/Circus/Clearspot/Jetset Bright Yellow Bright Orange 2003 Trifekta/Circus/Clearspot/JetsetWonderground Oceans Apart 2005 LO-MAX Records/EMI
Véxase tamén Ligazóns externas Páxina oficial
Categoría:Grupos musicais de Queensland Categoría:Grupos musicais de indie rock Categoría:Grupos musicais de jangle pop Categoría:Grupos musicais formados en 1977