miniatura|200px|Escultura en Ponte Barxas
Adriano Antonio Marques de Magallanes, nado en Melgaço o 10 de xullo de 1925 e finado en Petán (A Caniza) o 12 de decembro de 2023, foi un diplomático, avogado, empresario, escritor e político galego, do Partido Popular.
Traxectoria Nas municipais de 1983 presentouse nas listas de Alianza Popular ao concello de Vigo, e saíu elixido concelleiro. Este posto permitiulle estar de vicepresidente da Deputación de Pontevedra mentres Mariano Rajoy ocupaba a súa presidencia. Nas Xerais de 1986 figurou na candidatura dos populares pola provincia de Pontevedra ao Congreso dos Deputados e saíu elixido deputado, onde permaneceu ata a convocatoria electoral de 1989.
Despois de estar uns anos apartado da política, en 1996 figurou como suplente na candidatura do PPdeG ao Senado pola provincia de Pontevedra, nas Xerais de 1996. O seu suplido, Manuel Pérez Álvarez conseguiu obter a acta de senador, pero dimitiu en 1998, co que foi substituído por Adriano Marques.
Colaborador habitual de Faro de Vigo, foi cónsul xeral de Ecuador en Galicia. Posuía unha empresa de fabricación de uniformes para a policía, con sede en Redondela.
Obra Puntos de vista. Reflexiones periodísticas. (1999)
Vida persoal Estivo casado con Rita Regojo, fundadora de Aldeas Infantiles en Galicia e Medalla Castelao ata o falecemento desta en 2011. Nos seus últimos anos vivía entre Cesantes e Petán.
Véxase tamén
Bibliografía
Outros artigos
Lista de senadores galegos desde a Transición
Categoría:Senadores por Pontevedra Categoría:Escritores de Galicia Categoría:Escritores en lingua castelá Categoría:Deputados de Galicia no Congreso dos Deputados Categoría:Deputados do Congreso dos Deputados polo PP Categoría:Empresarios do sector téxtil Categoría:Nados en 1925 Categoría:Finados en 2023 Categoría:Nados en Melgaço