Braña é unha revista científica galega, boletín da Sociedade Galega de Historia Natural, creada en 1977.
Traxectoria Nun primeiro intre pensouse en chamala Fisterra, pero elixiuse o seu nome entre catro propostas, que tiñan en común ser nomes de dúas sílabas e de cinco letras: Braña, Campa, Furna e Lubre. Naceu como primeira revista de investigación en galego e que tiña como alicerce “o estudo sistemático da realidade galega”, pois “sábese que un bo coñecemento do medio pode ser alicerce seguro pró desenvolvemento socio-económico do País”.
A súa intención é acoller todos aqueles traballos que, dentro dunha axeitada dignidade metodolóxica, tivesen o medio natural galego como o seu obxectivo principal. A súa temática céntrase no medio natural, os xacementos xeolóxicos, o mundo vexetal, o mundo mariño, os minerais etc.
Publicouse nos anos 1977 (nos 1 e 2), 1978 (nos 1 e 2), 1979 (nos 1 e 2), 1980 (nos 1 e 2), n º 1981 (monográfico I Congreso Mamíferos Mariños), 1989 (monográfico I Congreso Galaico-Luso de Macromicoloxía), 1994 e 1966 como números con artigos diversos e en 2006 e 2010 con monográficos sobre os censos de aves acuáticas invernantes en Galicia. Dende 2013 edítase en formato dixital e imprímese ó remate de cada ano.
Os seus directores foron Francisco Díaz-Fierros (1977-1979), Marisa Castro Cerceda e Luis Freire García (1989), Xoán Rodríguez Silvar (1994-1996), Serafín González Prieto e Bernardo Carrión Velasco (1996-2001), Xosé Lois Rey Muñiz e Serafín González Prieto (2010) e Xosé Lois Rey Muñiz e Álvaro María Rodríguez Pomares (desde 2013).
Consello de redacción Nos seus Consellos de redacción figuraron destacados científicos galegos: Mª Luisa Areses Trapote (Departamento de Fisioloxía Vexetal. Universidade de Santiago de Compostela) Marisa Castro Cerceda (Departamento de Recursos Naturais e Medio Ambiente. Universidade de Vigo) Francisco Díaz-Fierros Viqueira (Departamento de Edafoloxía. Universidade de Santiago) Jesús Domínguez Conde (Facultade de Bioloxía. Universidade de Santiago) Luis Freire García (Departamento de Botánica. Universidade de Santiago) Manuel Freire Rama (Departamento de Bioquímica. Universidade de Santiago) Uxío Labarta Fernández (Instituto de Investigacións Mariñas. C.S.I.C. Vigo) Felipe Macías Vázquez (Departamento de Edafoloxía. Universidade de Santiago) Celso Rodríguez Babío (Departamento de Zooloxía. Universidade de Santiago) Manuel Rodríguez Solórzano (Biólogo. Farmacéutico. Xefe da Sección de Caza e Pesca da Delegación Provincial de Medio Ambiente da Coruña) Victoriano Urgorri (Facultade de Bioloxía. Universidade de Santiago) Emilio Valadé del Río (Departamento de Xenética. Universidade de Santiago) Tito Varela López (Departamento de Antropoloxía. Universidade de Santiago) José Manuel Vázquez Varela (Departamento de Prehistoria. Universidade de Santiago)
Véxase tamén Ligazóns externas Braña na páxina web da SGHN Informe sobre a divulgación da ciencia en Galicia
Categoría:Revistas editadas en Galicia Categoría:Revistas españolas do século XX Categoría:Revistas españolas do século XXI