Ricardo de Burgos Bengoetxea, nado en Bilbao o 16 de marzo de 1986, é un árbitro fútbol vasco que milita na Primeira División. É árbitro FIFA dende 2018 e está clasificado como árbitro de primeira categoría da UEFA.
Traxectoria Naceu en Bilbao en 1986, sendo sobriño do tamén árbitro Ernesto de Burgos Núñez e do militar golpista Francisco Burgos Núñez, quen participou no golpe de Estado do 23 de febreiro de 1981.
Despois de só dous anos na Segunda División B e catro na Segunda División, en 2015 ascendeu á Primeira División. O seu primeiro partido na máxima categoría do fútbol español arbitrouno o 23 de agosto de 2015 entre o Levante e o Celta de Vigo. Dous anos despois arbitrou o partido de ida da Supercopa de España 2017 entre o Barcelona e o Real Madrid. En 2018 foi incluído na lista de árbitros da FIFA. Arbitrou o seu primeiro partido internacional absoluto o 10 de outubro de 2019 na fase de clasificación para a Eurocopa 2020 entre Belarús e Estonia.
Antes da final da Copa do Rei de 2025 entre o Real Madrid e o Barcelona, De Burgos Bengoetxea foi obxecto de presión pública cando Real Madrid TV publicou un vídeo crítico sobre as súas decisións pasadas que se percibían como favorables ao Barcelona. De Burgos Bengoetxea falou máis tarde con emoción sobre o impacto que isto lle provocou, revelando que como consecuencia o seu fillo sufrira acoso escolar e facendo fincapé no custo persoal dos ataques. Durante a final, que o Barcelona gañou por 3-2 tras a prórroga, De Burgos Bengoetxea expulsou a tres xogadores do Real Madrid, entre eles Antonio Rüdiger por lanzar un obxecto, Lucas Vázquez por protestar no campo e Jude Bellingham por enfrontarse a el agresivamente despois de pitar.
Fóra do fútbol traballa dentista.
Notas
Categoría:Nados en 1986 Categoría:Nados en Bilbao Categoría:Árbitros de fútbol de España