La memoria de las mariposas é un filme documental peruano-portugués de 2025 escrito, coproducido e dirixido por Tatiana Fuentes Sadowski no seu debut como directora. O filme documenta as historias perdidas de Omarino e Aredomi que emerxen das sombras da febre do caucho e o xenocidio do Putumayo. É unha viaxe a través de arquivos amazónicos que conecta a investigación, a especulación e a historia familiar da cineasta.
Foi escollido na sección Fórum da edición número 75 do Festival Internacional de Cinema de Berlín, onde se proxectou por vez primeira o 16 de febreiro de 2025.
Sinopse A través da foto de Omarino e Aredomi, dous nenos indíxenas peruanos levados á forza a Europa, unha cineasta indaga nas súas historias e no desenvolvemento da febre do caucho. Os seus pasados entrelázanse, unha viaxe persoal que mestura a realidade cos soños, a historia coa imaxinación. Esta viaxe trascendental explora as interrelacións entre poder, lembranza, responsabilidade e legado, todo iso ambientado entre os vestixios de tempos pasados e desenvolvendo unha homenaxe ás vítimas do comercio do caucho no Perú.
Produción O filme fíxose co apoio de fondos outorgados polo Instituto de Cinema e Audiovisual de Portugal, a Dirección do Audiovisual, a Fonografía e os Novos Medios (DAFO) do Perú, a Fundación Ford e Tambo Films.
Estrea La memoria de las mariposas tivo a súa estrea mundial na sección Fórum da edición 75 do Festival Internacional de Cinmae de Berlín o 16 de febreiro de 2025.
Galardóns e recoñecementos AnoEventoCategoríaResultadoRef.2025 Festival Internacional de Cinema de Berlín Mención especial do Premio de Cinema Documental da Berlinale 2025 Festival Internacional de Cinema de Berlín Premio FIPRESCI
Notas
Véxase tamén Outros artigos Xenocidio do Putumayo
Categoría:Filmes de 2025 Categoría:Filmes en lingua castelá Categoría:Filmes en lingua witoto Categoría:Filmes do Perú Categoría:Filmes de Portugal