Luis Javier Suárez Charris, coñecido como Luis Suárez, nado en Santa Marta o 2 de decembro de 1997, é un futbolista colombiano que xoga como dianteiro no Sporting de Portugal, da Primeira Liga.
Traxectoria Formouse na canteira do Leones, da súa Santa Marta natal, debutando co primeiro equipo na Primeira B o 5 de outubro de 2015 nunha derrota por 1-3 ante o América de Cali. Despois de oito partidos co primeiro equipo, o 1 de marzo de 2016 foi cedido ao Recreativo Granada, da Segunda División B.
O 17 de xullo de 2017, despois de que os seus dereitos federativos fosen transferidos ao Watford, Suárez foi cedido ao Real Valladolid Promesas, tamén de Segunda B. No filial valisoletano foi o máximo goleador do equipo, con 11 goles. Para a tempada 2018/19 foi cedido ao Gimnàstic de Tarragona, co que debutou na Segunda División.
Marcou o seu primeiro gol o 7 de outubro, logrando o un punto no empate a un gol ante o Cádiz. Foi de novo o máximo goleador do equipo, pero non puido evitar o descenso á Segunda B.
En xuño de 2019 saíu cedido ao Real Zaragoza, permanecendo así en Segunda. Rematou a tempada regular con 19 goles, sendo o segundo máximo goleador do campionato, so por detrás de Cristhian Stuani, pero non se lle permitiu xogar a promoción de ascenso, ao rematar a súa cesión.
En outubro de 2020 regresou ao Granada, que pagou por el uns 10 millóns de libras. Xogou dous anos co equipo na Primeira División, sumando un total de 15 goles.
O 18 de xullo de 2022, o Olympique de Marsella anunciou a súa fichaxe. Con todo, o 5 de decembro, regresou a España e á súa máxima categoría tras acordar unha cesión ao Almería, cunha cláusula de compra obrigatoria se o club evitaba o descenso.
Tras conseguir o obxectivo, asinou definitivamente polo Almería, aínda que non puido evitar o descenso na tempada 2023/24. Na seguinte tempada foi o máximo goleador da Segunda División con 27 goles en liga (aos que sumou 4 na Copa do Rei).
En xullo de 2025 anunciouse o seu traspaso ao Sporting de Portugal por uns 27 millóns de euros.
Selección nacional O 12 de novembro de 2020 debutou coa selección de Colombia ante o Uruguai.
Notas
Categoría:Nados en 1997 Categoría:Nados no departamento de Magdalena Categoría:Futbolistas de Colombia Categoría:Dianteiros de fútbol Categoría:Xogadores do Granada CF B Categoría:Xogadores do Real Valladolid B Categoría:Xogadores do Gimnàstic de Tarragona Categoría:Xogadores do Real Zaragoza Categoría:Xogadores do Granada CF Categoría:Xogadores da UD Almería Categoría:Xogadores do Watford FC Categoría:Xogadores do Olympique de Marsella Categoría:Xogadores do Sporting Clube de Portugal Categoría:Xogadores da selección de fútbol de Colombia Categoría:Xogadores do Mundial de Fútbol de 2026