thumb|dereita|A vila de Bandai. Bandai (磐梯町, Bandai-machi) é un concello localizado na prefectura de Fukushima, Xapón. En xuño de 2019 tiña unha poboación de 3.421 habitantes e unha densidade de poboación de 57,2 persoas por km². A súa área total é de 59,77 km².
Xeografía Concellos circundantes Kitakata Aizuwakamatsu Inawashiro Kitashiobara
Historia A área do actual concello de Bandai era parte da antiga provincia de Mutsu. Foi o centro dun culto montañés baseado no monte Bandai e fundáronse numerosos templos budistas a partir do período Heian. Estes templos creceron até ter un forte poder militar e económico durante o período Kamakura, e só foron suprimidos no período Sengoku. A área formou parte das propiedades do dominio Aizu durante o período Edo. Após a Restauración Meiji, organizouse como parte do distrito de Yama (prefectura de Fukushima). A aldea de Bandai creouse o 31 de marzo de 1889 co estabelecemento do sistema de concellos moderno e foi elevada á categoría de vila en 1960.
Demografía Segundo datos do censo xaponés,Bandai population statistics . www.citypopulation.de. a poboación de Bandai diminuíu nos últimos anos.
Ano do censo Poboación 1995 4.357 2000 4.109 2005 3.951 2010 3.761 2015 3.579 2020 3.322
Economía Dende principios do período moderno, a xeración de enerxía hidroeléctrica e a produción de produtos químicos por parte de Nippon Soda Co., Ltd. foron piares da economía local. Porén, a economía local arestora desprazouse cara a produción de maquinaria de precisión e o turismo estacional, especialmente campos de golf e estacións de esquí.
Educación Bandai ten dúas escolas primarias públicas e unha escola secundaria pública operada polo goberno da vila.
Vilas irmandadas Oliver, Columbia Británica, Canadá.
Lugares de interese thumb|O templo Enichi-ji. Monte Bandai. Parque Nacional Bandai-Asahi. Enichi-ji, destacado templo budista.
Notas
Véxase tamén
Outros artigos Lista de concellos do Xapón
Categoría:Concellos do Xapón