David Michael Riley, nado en Detroit (Míchigan) o 30 de xullo de 1960 e finado en Arivaca (Arizona) o 23 de decembro de 2019 foi un músico estadounidense coñecido por ser baixista da banda de punk rock Big Black dende 1985 ata a súa disolución en 1987.
Traxectoria
Riley trasladárase a Chicago en 1982 dende Detroit, onde traballara como enxeñeiro de gravación. Tocou nos dous álbums de estudio de Big Black, Atomizer (1986) e Songs About Fucking (1987), así como no seu EP Headache (1987), varios sinxelos e dous álbums ao vivo. Despois de Big Black, Riley gravou cancións con outros artistas antes de quedar incapacitado por un ictus en 1993, perdendo a capacidade de camiñar. Fíxose blogueiro e en 2006 publicou o libro Blurry and Disconnected: Tales of Sink-or-Swim Nihilism. Morreu a finais de 2019 dun carcinoma de células escamosas. Notas
Categoría:Nados en 1960 Categoría:Nados en Detroit Categoría:Finados en 2019 Categoría:Baixistas dos Estados Unidos de América Categoría:Personalidades sen imaxes