Javier Murua Alzueta, nado en Bilbao o 23 de abril de 1997, é un futbolista español que xoga de defensa central na SD Logroñés, da Primeira División RFEF.
Traxectoria Formouse na canteira do Arenas de Getxo, chegando a debutar co primeiro equipo estando aínda en idade xuvenil, nun partido ante o Berio en Gobela no que marcou un gol. En xaneiro de 2016 ingresou no equipo xuvenil do Athletic Club, co que xogou na División de Honra ata o final da tempada. Rematada a súa etapa como xuvenil militou nos dous filiais do club biscaíño, o Basconia e o Bilbao Athletic, sumando preto dun cento de partidos entre ambos.
Tras desvencellarse do Athletic, pasou polas filas do Portugalete e do Salamanca UDS, antes de fichar en 2022 polo Amorebieta, da Primeira División RFEF. No equipo de Haritz Mujika disputou un total de 21 partidos, contribuíndo ao ascenso á Segunda División. Ademais, xogou completos os dous partidos da Final de Campións ante o Racing de Ferrol, na que o conxunto zornotzarra se proclamou campión absoluto da categoría.
Para a tempada 2023/24 asinou como novo xogador da SD Logroñés.
Palmarés Amorebieta Primeira División RFEF (1): 2022/23.
Notas
Categoría:Nados en Bilbao Categoría:Nados en 1997 Categoría:Futbolistas do País Vasco Categoría:Defensas de fútbol Categoría:Xogadores do Arenas Club de Getxo Categoría:Xogadores do CD Baskonia Categoría:Xogadores do Bilbao Athletic Categoría:Xogadores do Club Portugalete Categoría:Xogadores do Salamanca CF UDS Categoría:Xogadores da SD Amorebieta Categoría:Xogadores do SD Logroñés