2000 pesetas de 1998 "2000 Pesetas - Juan Carlos I Philip II and Escorial". Numista.com312x312pxA/: Cabeza espida de Xoán Carlos I cara á esquerda. Data. Lenda: JUAN CARLOS I REY DE ESPAÑAR/: Mosteiro de El Escorial e retrato de Filipe II. Marca de ceca (M). LENDA: FELIPE II 1598-1998 / 2000 PTAS Valor: 2.000 pesetas. Data de emisión: 1998. Período: Xoán Carlos I. Ceca: FNMT - Real Casa de la Moneda. Gravador: Manuel Martínez Tornero. Tiraxe: 3.324.000 exemplares. Aliaxe: prata (925 ‰). Diámetro: 33 mm. Grosor: 2 mm. Peso: 18,00 g. Canto: liso.
A moeda de 2.000 pesetas de 1998 é unha moeda española de prata dese valor facial emitida pola FNMT para conmemorar os 400 anos do falecemento de Filipe II, finado en El Escorial, Madrid, o 13 de setembro de 1598.
Trátase da quinta emisión da serie de moedas circulantes de 2.000 pesetas de prata, que se iniciou en 1994.
Marco lexislativo Mediante unha Orde do 3 de febreiro de 1998, publicada no Boletín Oficial do Estado do 11 de febreiro, acordouse a emisión, a cuñaxe e a posta en circulación dunha moeda de 2.000 pesetas de prata con data 1998, conmemorativa dos 400 anos da moerte de Filipe II, rei de España entre 1556 e 1598, e de Portugal e os Algarves (Filipe I de Portugal) entre 1580 e 1598."Orde do 3 de febreiro de 1998". BOE Nº 36, 11 de febreiro de 1998. Páxinas 4.786-4.787.
Conforme establecía a Orde, a moeda era de curso legal e debía ser proporcionada polas entidades bancarias ao seu valor facial, aínda que a súa circulación foi escasa, dada a súa curta tiraxe final —3.324.000 exemplares—"Moneda de 30 euro / 20 euro / 12 euro / 2.000 pesetas". FNMT - Casa de la Moneda (FNMT.es). e tendo en conta que naquel momento existía xa un billete de 2.000 pesetas de uso moi común, polo que a maioría dos exemplares foron retirados da circulación polos coleccionistas numismáticos e pola poboación en xeral, a modo de recordo.
A norma establecía tamén que "esta moeda será admitida nas caixas públicas sen limitación, e entre particulares ata 20.000 pesetas, calquera que for a contía do pagamento".
Caracterización esquerda|miniatura|Filipe II nun gravado de Giulio Bonasone (ca. 1548).|192x192px
O seu anverso, deseñado e gravado por Manuel Martínez Tornero, amosa un busto de perfil de Xoán Carlos I (1975-2014) ollando cara á esquerda, rodeado pola lenda JUAN CARLOS I REY DE ESPAÑA e a data de 1998. O conxunto está encerrado por unha grafila de puntos. miniatura|Mosteiro do Escorial, representado no reverso da moeda.|270x270px
Pola súa banda, o reverso, obra do mesmo gravador, presenta como un dos seus motivos principais unha vista panorámica do Mosteiro de El Escorial, onde faleceu e onde repousan os restos mortais de Filipe II.
Completan o reverso, á dereita un retrato do monarca coa cabeza espida e ollando cara á esquerda; na parte superior a lenda alusiva á efeméride conmemorada FELIPE II 1598-1998, un M coroado a modo de marca de ceca da Fábrica Nacional de Moneda y Timbre, e unha figura con catro lóbulos cunha imaxe latente na que, en función da orientación, se pode ver ou ben unha cruz potenzada ou ben as dúas cifras derradeiras do ano de emisión: 98. No exergo figura a indicación do valor facial da moeda: 2000 PTAS.
A moeda de 2.000 pesetas foi desmonetizada o 28 de febreiro de 2002, e en xuño de 2021 concluíu o prazo para a cambiar polo seu valor nas entidades bancarias.López, F. J. (2023). "Moneda de 2000 pesetas de 1998: Valor y Precio". Coleccionismodemonedas.com. 8 de xuño.
Notas
Véxase tamén
Bibliografía
Lamas Bolaño (2023). Catálogo enciclopédico de monedas de España 2024. Lamas Bolaño, Barcelona. ISBN 978-8409545193
Outros artigos
Peseta Lista das moedas de peseta de España Filipe II de España
Ligazóns externas
"Numismática española: catálogo de monedas"
Categoría:Peseta Categoría:Moedas de prata Categoría:Moedas fóra de curso