A Sagrada Familia, segundo a Igrexa católica, denomina ao conxunto composto por Xosé, María e o seu fillo Xesús. No calendario de festividades católicas celébrase o domingo que cae entre a Oitava de Nadal. Polo tanto, oscila entre o 26 de decembro e o 31 de decembro.
Devoción Esta advocación fai fincapé na humanización de Xesús e na importancia da súa familia como modelo. O nacemento desta devoción remóntase ao século XVI, tras a aparición da Virxe María e o Neno Xesús nos arredores de Cotignac en 1519, e de San Xosé en 1660 na mesma localidade. O papa Alexandre VII aceptou a advocación canonicamente. A primeira parroquia dedicada á Sagrada Familia foi na illa de Orléans, no Quebec, en 1684, da man de François de Laval. En 1921, o papa Bieito XV estende a súa celebración a toda a Igrexa mundial.
En Galicia, cabe destacar a capela na rúa González Besada en Ponte Caldelas e mais na avenida das Camelias, en Vigo.
A Sagrada Familia na arte Da abundante iconografía, pode destacarse o conxunto con representacións da fuxida a Exipto e o chamado descanso na fuxida a Exipto.
En arquitectura relixiosa pode destacarse o Templo Expiatorio da Sagrada Familia en Barcelona, iniciado por Gaudí.miniatura|Sagrada Familia, de Murillo|centro Notas Categoría:Nadal Categoría:Familias Categoría:Personaxes do Novo Testamento Categoría:Xesús de Nazaret Categoría:Santos patróns de parroquias de Galicia