Avelino Alonso Rivas, nado na Devesa (Tomonde, Cerdedo Cotobade) cara a 1901, foi un garda municipal galego.
Traxectoria
Veciño de Sabucedo. Foi destinado como garda municipal do Concello de Lavadores en abril de 1928.Galicia Nueva, 26-4-1928, p, 3. Simpatizante do PSOE. Logo do golpe de Estado do 18 de xullo de 1936 participou na resistencia ao movemento militar en Lavadores. Xulgado o 27 de xullo de 1936, foi declarado en rebeldía. Andou fuxido durante case dous anos no monte e na casa de Manuel Gil Corbal, en Laxoso, onde, logo da denuncia do falanxista de Cerdedo Francisco Buján, foi detido pola garda civil e falanxistas de Sabucedo en decembro de 1938.El Compostelano, 4-1-1939, p. 2. Trasladado ao cuartelillo de Cerdedo foi torturado. Xulgado en consello de guerra o 21 de xaneiro de 1939 foi condenado a 12 anos de prisión, que pasou nas cadeas de Vigo e Pontevedra, da que saíu en liberdade condicional en novembro de 1941.BOE, 18-11-1941, p. 9016. Abríronlle expediente de responsabilidades políticas en xullo de 1940.El Pueblo Gallego, 31-7-1940, p. 2.BOE, 23-6-1943, p. 2296. En 1945 seguía en liberdade vixiada.El Pueblo Gallego, 30-1-1945, p. 2. Polas penalidades que soportou, sufriu graves secuelas psicolóxicas. En 1978 afiliouse de novo á Agrupación Socialista de Cerdedo.
Notas
Véxase tamén Bibliografía
Cerdedo (1936-1953)
Categoría:Políticos do PSOE Categoría:Represaliados polo franquismo
Categoría:Nados en Cerdedo Cotobade Categoría:Nados en 1901
Categoría:Finados en ano descoñecido