María Esperanza Gigirey Liste, nada en Santiago de Compostela o 12 de xuño de 1964, é unha museóloga, historiadora da arte e escritora galega.
Traxectoria Licenciada en Xeografía e Historia pola Universidade de Santiago de Compostela, con especialidade en historia da arte contemporánea e museoloxía. É membro do Corpo Facultativo de Grao Medio da Xunta de Galicia, escala de axudantes de arquivos, bibliotecas e museos, especialidade de museos, dende 2003.
Comezou a traballar en museos a principios da década dos anos 90 no Museo Diocesano e Catedralicio de Mondoñedo, para continuar despois no Museo de Arte Sacra de San Paio de Antealtares, no Museo Histórico de Sargadelos e no Museo da Construción Naval de Ferrol. En 1994, entra a traballar no Museo de Terra Santa do convento de San Francisco de Santiago de Compostela, no que será técnica superior ata 1997, e dende 1998 e ata 2003 directora. Nese ano, entra como facultativa de grao medio no Museo das Peregrinacións e de Santiago, museo que dirixe dende 2018 trala xubilación de Bieito Pérez Outeiriño.
Ademais, é presidenta do Consello Galego de Museos e forma parte do Consello Asesor do Museo de Arte Sacra de San Paio de Antealtares.
Obras
O Museo de Terra Santa. Unha ponte cara Oriente Próximo en Compostela. Santiago de Compostela, 2018. El Real Monasasterio de Santa Clara de Santiago. Ocho siglos de claridad. Santiago de Compostela, 1996.
Notas
Categoría:Nados en 1964
Categoría:Historiadores da arte de Galicia Categoría:Nados en Santiago de Compostela Categoría:Personalidades de Galicia sen imaxes Categoría:Alumnos da Universidade de Santiago de Compostela