A Villa Le Lac, tamén coñecida como Vila "Le Lac" Le Corbusier, é un edificio residencial no Lago de Xenebra en Corseaux, Cantón de Vaud, Suíza, deseñado polos arquitectos e curmáns suízos Le Corbusier e Pierre Jeanneret entre 1923 e 1924 para os pais de Le Corbusier. É un exemplo de Arquitectura moderna residencial e mostra tres dos Cinco puntos da arquitectura moderna de Le Corbusier. O edificio está designado como Propiedade Cultural Suíza de Importancia Nacional e foi engadido á Lista do Patrimonio Mundial da UNESCO en 2016.
Historia Entre 1912 e 1919 os pais de Le Corbusier Georges-Édouard Jeanneret e Marie-Charlotte-Amélie Jeanneret-Perret viviron na Villa Jeanneret-Perret na súa cidade natal La Chaux-de-Fonds, que tamén deseñara o seu fillo para eles. Desde 1919 ata que se construíu Villa Le Lac, os Jeanneret residiron nun chalé en Blonay. Trasladáronse á nova vila en Corseaux na véspera de Nadal de 1924. Georges-Édouard e Marie-Charlotte-Amélie viviron na vila ata a súa morte en 1926 e 1960, respectivamente.
A vila sufriu dúas modificacións durante a vida de Le Corbusier: unha en 1931 e outra en 1951. Como parte da reforma de 1931, as fachadas norte e oeste cubríronse con chapas de aceiro galvanizado e construíuse un muro de contención e un anexo ao norte. A reforma de 1951 consistiu na instalación da actual fachada sur de aluminio.
En 1971, a Fundación Le Corbusier, unha fundación privada e arquivo que custodia o traballo de Le Corbusier que tamén posúe a Vila La Roche en París e Vila Jeanneret-Perret, comprou a Vila Le Lac. O irmán de Le Corbusier, Albert Jeanneret, músico, viviu na vila ata a súa morte en 1973.
A vila abriuse ao público en 1984, segundo as intencións orixinais de Le Corbusier. En 2010 converteuse nun museo que acolleu exposicións relacionadas coa arquitectura e Le Corbusier. A Fundación Le Corbusier comezou os traballos de restauración no edificio en 2012. A Association Villa "Le Lac" Le Corbusier xestiona a propiedade desde o 1 de xaneiro de 2013. Xunto a outros quince edificios en todo o mundo deseñados por Le Corbusier, a Villa Le Lac foi designada Patrimonio da Humanidade da UNESCO en 2016.
Deseño thumb|Fachada sur de aluminio engadida en 1951 A Villa Le Lac deseñouse especificamente para dúas persoas maiores sen criada, neste caso, os pais de Le Corbusier. Mide de área, ou por , o lado máis longo segue a costa do lago Léman. Hai uns 4 metros de espazo aberto entre a estrada e a vila, e de novo entre a vila e o lago.
O edificio fai uso de tres dos Cinco Puntos de Arquitectura de Le Corbusier: o plano libre, o azotea axarniñada e a xanela "cinta" orientada horizontalmente. A xanela en cinta mide de lonxitude, que estaba preto da lonxitude máxima posible para unha fiestra de placa devidro nesemomento.
Recepción crítica Arquitectos e historiadores da arquitectura consideran a Villa Le Lac unha casa exemplar Modernista, xunto coa Cabana de vacacións de Le Corbusier sendo un dos primeiros da historia en tratar o concepto de vida minimalista ou Existenzminimum. É por iso que o edificio foi elixido como Patrimonio da Humanidade da UNESCO. Os escritores da publicación web de arquitectura actual ArchDaily enxalzaron o edificio como unha das mellores obras de Le Corbusier, unha "imprescindible."
En 2015, con motivo do cincuenta aniversario da morte de Le Corbusier, a Asociación Vila "Le Lac" Le Corbusier patrocinou unha exposición na vila, invitando a coñecidos arquitectos contemporáneos Mario Botta, Gigon/Guyer, Zaha Hadid, Toyo Ito, Daniel Libeskind, Rafael Moneo, Rudy Ricciotti, SANAA, Álvaro Siza Vieira , e Bernard Tschumi para imaxinar adicións ao edificio. Algúns dos arquitectos suxeriron construír parasois sobre o edificio, estendelo subterráneo ou baixo a auga, ou levantalo sobre pilotes (pilotes é outro dos Cinco Puntos da Arquitectura de Le Corbusier). Outros rexeitaron totalmente a idea de aumnetar un edificio tan pequeno, estreito e venerado: Botta só engadiu un embarcadoiro, mentres que Tschumi simplemente propuxo ampliar o uso humano do sitio para incluír deportes acuáticos e grandes festas.
Notas
Referencias
Véxase tamén
Bibliografía
Outros artigos
Ligazóns externas Villa "Le Lac" Le Corbusier páxina oficial
Categoría:Le Corbusier Categoría:Patrimonio da Humanidade en Suíza