Núria Bendicho Giró, nada en Barcelona en 1995, é unha escritora catalá.
Traxectoria Comezou estudos de Filoloxía Clásica pero licenciouse en Filosofía pola Universidade de Barcelona. En 2020, participou no Premio Anagrama cun texto que non resultou gañador, pero que o xurado "recomendou a súa publicación". En 2021 publicou finalmente Terres mortes, a súa primeira novela, na Editorial Anagrama, que foi finalista no XXII Premio do Libro de Literatura Catalá e tamén finalista no Premio Òmnium á mellor novela do ano, do premio Finestres e do premio Llibreter. A obra foi descrita como un drama rural extremo, con aires de Rodoreda, Faulkner, Víctor Català e/ou Bernhard. O título fai referencia a Terra baixa, de Àngel Guimerà. Ela conta que sempre lle custou moito que lle dixeran o que tiña que ler, por iso vai á biblioteca e escolle o que lle apetece. Cando atopa algo que lle gusta, "podo lelo até seis veces".
En agosto de 2022 participou en "Un verán en Galeusca", un proxecto impulsado, por cuarto ano consecutivo, entre VilaWeb, Berria e Nós Diario co relato "Bestiario".
Obra
Terres mortes (2021). Barcelona: Anagrama. 184 páxs. ISBN 978-84-339-1588-7. Tierras muertas (2022). Barcelona: Anagrama. Tradución de Ana Crespo. 174 páxs. ISBN 9788412415261.
Notas
Categoría:Nados en Barcelona Categoría:Escritores en lingua catalá Categoría:Nados en 1995