Maryna Sergiivna Viazovska (en ), nada en Kíiv o 2 de decembro de 1984, é unha matemática ucraína coñecida polo seu traballo sobre o empaquetado de esferas. É profesora titular de teoría de números na Cátedra do Instituto de Matemáticas da École Polytechnique Fédérale de Lausana (Suíza). Foi galardoada coa medalla Fields en 2022.
Traxectoria Como estudante da Universidade de Kíiv, Viazovska participou no Concurso Internacional de Matemáticas para estudantes universitarios en 2002, 2003, 2004 e 2005, e foi unha das primeiras gañadoras en 2002 e 2005.IMC official results: 2002, 2003, 2004, and 2005.
Carreira académica Viazovska obtivo o primeiro posgrao científico Candidate of Sciences do Instituto de Matemáticas da Academia Nacional de Ciencias de Ucraína en 2010, e un doutoramento (Dr. rer. nat.) na Universidade de Bonn en 2013. A súa tese de doutoramento refírese á teoría analítica de números e foi supervisada por Don Zagier e Werner Müller. Foi investigadora posdoutoral na Escola de Matemáticas de Berlín e na Universidade Humboldt de Berlín.
En 2016 resolveu o problema de empaquetamento da esfera na dimensión 8 e, en colaboración con outros, dentro da dimensión 24. Anteriormente, o problema só se resolvera para tres ou menos dimensións, e a proba da versión tridimensional (a conxectura de Kepler) implicaba longos cálculos informáticos. Pola contra, a proba de Viazovska para 8 e 24 dimensións é "sorprendentemente sinxela".
Así como polo seu traballo sobre o empaquetado de esferas, Viazovska tamén é coñecida polas súas investigacións sobre deseños esféricos con Bondarenko e Radchenko. Con eles demostrou a conxectura de Korevaar e Meyers sobre a existencia de pequenos deseños en dimensións arbitrarias. Este resultado foi unha das contribucións polas que o seu coautor Andriy Bondarenko gañou o Premio Vasil A. Popov de teoría da aproximación en 2013.
Gañou a Medalla Fields no ano 2022, outorgada pola International Mathematical Union, polo seu traballo sobre o empaquetamento de esferas na dimensión 8 e por outras contribucións aos problemas de interpolación na análise de Fourier. É a segunda muller despois de Maryam Mirzakhani, que gaña esta medalla.
Selección de publicacións
Bondarenko, Andriy; Radchenko, Danylo; Viazovska, Maryna (2013), «Optimal asymptotic bounds for spherical designs», Annals of Mathematics, Second Series 178 (2): 443-452, MR 3071504, arXiv:1009.4407, doi:10.4007/annals.2013.178.2.2 Viazovska, Maryna (2017), «The sphere packing problem in dimension 8», Annals of Mathematics 185 (3): 991-1015, arXiv:1603.04246, doi:10.4007/annals.2017.185.3.7 Cohn, Henry; Kumar, Abhinav; Miller, Stephen D.; Radchenko, Danylo; Viazovska, Maryna (2017), «The sphere packing problem in dimension 24», Annals of Mathematics 185 (3): 1017-1033, arXiv:1603.06518, doi:10.4007/annals.2017.185.3.8 Cohn, Henry; Kumar, Abhinav; Miller, Stephen D.; Radchenko, Danylo; Viazovska, Maryna (2019), Universal optimality of the E8 and Leech lattices and interpolation formulas, Bibcode:2019arXiv190205438C, arXiv:1902.05438
Notas
Véxase tamén Ligazóns externas Páxina de Maryna Viazovska
Categoría:Alumnos da Universidade Nacional de Kíiv Categoría:Nados en Kíiv Categoría:Nados en 1984 Categoría:Alumnos da Universidade de Bonn Categoría:Científicos de Ucraína Categoría:Matemáticos de Ucraína Categoría:Medalla Fields