Rose M. Mutiso, nada en Nairobi cara a 1986, é unha activista kenyana e investigadora en ciencia de materiais. É cofundadora e directora xeral do Instituto Mawazo. É a directora de investigación do Energy for Growth Hub (Centro de Enerxía para o Crecemento). Foi preseleccionada para o Premio Pritzker 2020 ao Xenio Ambiental Emerxente.
Traxectoria Educación Mutiso estudou enxeñería no Dartmouth College, antes de completar o seu doutoramento en Ciencias dos Materiais na Universidade de Pensilvania, no laboratorio de Karen I. Winey. A súa tese centrouse nas propiedades dos materiais para a nanoelectrónica. Fixo o seu posdoutoramento como bolseira científica do Congreso 2013-14 no Instituto Americano de Física.
Carreira Mutiso foi bolseira no Departamento de Enerxía dos Estados Unidos.
O traballo de activismo de Mutiso céntrase en mellorar o acceso á enerxía en África de forma consciente co clima. A través do Instituto Mawazo, espera formar a máis mulleres nas habilidades de investigación e enxeñería necesarias para seguir desenvolvendo o sector enerxético kenyano. Formou parte da xunta consultiva da African Utility Week 2018. Avogou por unha orzamentación internacional do carbono que recoñeza tanto as emisións actuais comparativamente baixas das nacións africanas como que asigne un espazo para o seu desenvolvemento futuro cara a un maior consumo de enerxía. Escribiu para Scientific American e tamén deu unha charla TED sobre o tema.
Notas
Véxase tamén Ligazóns externas
Our Team The Mawazo Institute. Research Director - Rose Mutiso
Categoría:Alumnos da Universidade de Pensilvania Categoría:Alumnos do Dartmouth College Categoría:enxeñeiros de Kenya Categoría:Nados en Nairobi Categoría:Nados en 1986 Categoría:Personalidades sen imaxes