Marie Anne Laurent, coñecida como Marie Pasteur, nada en Clermont-Ferrand o 15 de xaneiro de 1826 e finada en París o 28 de setembro de 1910, foi a esposa, axudante científica e compañeira de traballo do químico e bacteriólogo francés Louis Pasteur .
Traxectoria
Vida persoal Era filla do reitor da Academia de Estrasburgo. Casou en Estrasburgo o 29 de maio de 1849, aos 23 anos, con Louis Pasteur, quen tiña 26. A parella tivo cinco fillos dos cales tres morreron na infancia: Jeanne (1850-1859) morrreu de febre tifoidea; Jean-Baptiste (1851-1908) morreu dun tumor hepático; Cécile (1853-1866) tamén de febre tifoidea; Marie-Louise (1858-1934), casada en 1879 con René Vallery-Radot (1853-1933) e Camille (1863-1865). Polo tanto, só Jean Baptiste e Marie Louise viviron para ser adultos. Jean Baptiste foi un soldado na guerra franco-prusiana e chegou a ser diplomático.
Vida profesional Marie Anne, foi a axudante de Pasteur nos seus experimentos científicos. Ela traballou con Pasteur na ampliación das súas primeiras investigacións, ao redor de 1848, sobre as observacións realizadas anteriormente por Mitscherlich sobre as diferentes propiedades ópticas relacionadas coa luz polarizada do ácido tartárico cando se trataba de viños naturais, lías de viño e cando se sintetiza nun laboratorio. Os estudantes e colegas de Louis Pasteur recoñeceron a importancia que tiña para el no seu traballo como asistente. Ela criaba os vermes de seda que precisaba para o seu experimento coas súas enfermidades, e coidaba dos nenos que trataba para o seu tratamento experimental. Ela trasladouse con el ao seu cuarto do ilustrísimo Instituto Pasteur, e continuou vivindo alí despois da súa morte.
Morte Marie Pasteur foi enterrada na cripta do Instituto Pasteur de París a carón do seu marido cun epitafio tirado do Código xustiniano (Libro IX, constitución coñecida como Gordiano III): "Socia rei humanæ atque divinæ" (en galego, "compañeira da vida humana e das cousas divinas").
Notas
Véxase tamén
Ligazóns externas Marie Pasteur, ayudando al científico en la sombra no blog Mujeres con ciencia
Categoría:Nados en Clermont-Ferrand Categoría:Nados en 1826 Categoría:Químicos de Francia Categoría:Finados en 1910