O Club Atlético Progreso, chamado comunmente Progreso, é un equipo de fútbol de Montevideo e que xoga na Primeira División do Uruguai.
Traxectoria O Club Atlético Progreso naceu en 1917 vencellado aos grupos de obreiros anarquistas do barrio montevideano de La Teja. As cores da súa indumentaria, amarelo e vermello, son unha lembranza da senyera, pois algúns dos seus fundadores eran inmigrantes de ascendencia catalá.
Entre 1979 e 1989 foi presidente do club Tabaré Vázquez, baixo o seu mandato, o equipo gañou o título de campión da Primeira División en 1989. En 2017, dentro das celebracións do centenario do equipo, a sede do Progreso acolleu un consello de ministros presidido por Tabaré Vázquez.
Ademais da liga gañada en 1989, o Progreso tamén participou en tres ocasións na Copa Libertadores (1987, 1990 e 2020).
Palmarés
Campionato Uruguaio de Primeira División: 1989
Notas
Véxase tamén
Páxina web oficial do Club Atlético Progreso (en castelán) Categoría:Equipos de fútbol do Uruguai Categoría:Montevideo