O zifio de Gervais, Mesoplodon bidens, tamén coñecido na bibliografía internacional como zifio europeo, é unha especie de mamífero cetáceo odontoceto da familia dos zifíidos e subfamilia dos zifioideos,Mesoplodon europaeus (Gervais, 1855 no WoRMS. Consultado o 12 de novembro de 2020. unha das quince integradas hoxe no xénero Mesoplodon.Mesoplodon Gervais, 1850 no WoRMS. Consultado o 12 de novembro de 2020.

Taxonomía Descrición A especie foi descrita en 1855 polo paleontólogo e entomólogo francés François Louis Paul Gervais, baixo o nome de Dioplodon europaeus, na páxina 320 da súa obra Histoire naturelle des Mamifères. 2. Ordre des Cétacés. París: L. Curmer.

Etimoloxías Para a do xénero, véxase Mesoplodon.

O epíteto específico, europaeus, débese que Gervais describiu a especie nas costas europeas, concretamente, nas do Canal da Mancha en Inglaterra.

Sinónimos Ademais de polo nome actualmente válido, a especie coñeceuse tamén polos sinónimos:Mesoplodon europaeus (Gervais, 1855) bo GBIF. Dioplodon europaeus Gervais, 1855 (basónimo) Dioplodon gervaisi Deslongchamps, 1866 Mesoplodon densirostris Gunther, 1955 (identificación errónea) Mesoplodon gervaisi Ellerman & Morrison-Scott, 1951 Neoziphius europaeus Gray, 1871 Nodus europaeus Hershkovitz, 1961

Historia do descubrimento Nalgún momento entre 1836 e 1841, un capitán dun dos barcos do comerciante e armador francés Abel Vautier encontrou un grande animal flotando na entrada do Canal da Mancha, co corpo cuberto por un enxame de gaivotas. Cortoulle a cabeza e levouna a Caen, onde lla presentou a Vautier. Vautier, á súa vez, mostrouna ao anatomista Deslongchamps. E o espécime dalgunha maneira abriuse camiño até o científico francés Paul Gervais, quen o describiu como unha nova especie en 1855. Durante varias décadas, esta mantívose como o único espécime coñecido desta especie, e moitos ignoraron o seu estado específico e afirmaron que simplemente representaba unha forma aberrante de zifio de Sowerby adulto.True, F. W. (1910): An account of the beaked whales of the family Ziphiidae in the collection of the United States National Museum, with remarks on some specimens in other American museums. Washington: Government Printing Office. A identidade da especie foi confirmada polo descubrimento de dous espécimes en Nova Jersey, un macho inmaturo capturado cerca de Atlantic City en 1889 e unha femia adulta encontrada varada en Long Branch en 1905."Diagnoses and Distributions of Beaked Whales of the Genus Mesoplodon Known from North American Waters", por Joseph Curtis Moore. En Kenneth S. Norris, ed., (1966): Whales, dolphins, and porpoises. Berkeley: University of California Press.

Características As principais características de Mesoplodon europaeus son: É un zifio de tamaño pequeno ou mediano en comparación cos outros zifíidos, pero é a especie máis grande dos membros do xénero Mesoplodon. O seu corpo é fusiforme, alongado, comprimido lateralmente e bastante grácil en comparación con outros membros do xénero Mesoplodon. Os machos miden uns 4,5 m de lonxitude e as femias polo menos 5,2 m, e probabelmente pesan máis de 1 200 kg. Crese que as crías miden uns 2,1 m. A cabeza é pequena e o seu melón é pouco protuberante. A liña da boca é notabelmente recta, incluso nos machos, e os dous dentes dos machos erupcionan cara á punta do bico e case non se notan. A coloración é gris escura nas partee superiores e gris clara nas inferiores. As femias poden presentaren manchas máis claras nos xenitais e na cabeza, cun círculo escuro ao redor dos ollos. Os xuvenís presentan unha coloración máis clara, pero pronto escurecen.

Distribución

Hábitat e ecoloxía

Poboación

Ameazas Esta especie, ao igual que outros zifios, é probábel que sexa vulnerábel a ruídos antropoxénicos fortes, como os xerados polo sonar das mariñas e as exploracións sísmicas.Cox, T. M. et al. (2006): "Understanding the impacts of anthropogenic sound on beaked whales". Journal of Cetacean Research and Management 7 (3): 177-187. En particular, varios varamentos masivos atípicos de zifios, incluídos os zifios de Gervais, asociáronse con actividades navais: de mediados a finais da década de 1980 nas Illas Canarias,Waring, G. T.; Josephson, E.; Fairfield, C. P. & Maze-Foley, K. (2006): "U.S. Atlantic and Gulf of Mexico marine mammal stock assessments" - 2005. NOAA Technical Memorandum NMFS-NE-201. en marzo de 2000 nas Bahamas,Rowles et al. (2000): "Mass stranding of multiple cetacean species in the Bahamas on March 15-17, 2000. Cambridge, UK: International Whaling Commission. e novamente en setembro de 2002 durante unha manobra naval da OTAN cun sonar de baixa frecuencia ao redor das Canarias.Taylor, B. L.; Baird, R.; Barlow, J.; Dawson, S. M.; Ford, J.; Mead, J. G., Notarbartolo di Sciara, G.; Wade, P. & Pitman, R. L. (2008): Mesoplodon europaeus na Lista vermella. da UICN. Versión 2020-2. Consultada o 5 de novembro de 202w0.

Evidencias de individuos varados de varias especies, incluída Mesoplodon europaeus, indican que tragaron obxectos de plástico desbotados, o que eventualmente pode conducir á morte.Scott, M. D. et al. (2001): "A note on the release and tracking of a rehabilitated pygmy sperm whale (Kogia breviceps)". Journal of Cetacean Research and Management 3 (1): 87-94.

A caza directa nunca se asociou con esta especie. Porén, as pescarías con redes de enmalle e palangre en toda a área de distribución da especie espertan a preocupación de que é probábel que se produzan capturas incidentais. Incluso niveis baixos de captura incidental poderían causar impactos neste grupo de cetáceos.

O impacto previsto do cambio climático global no medio mariño poden afectar a esta especie, aínda que a natureza dos impactos non está clara.Learmonth, J. A. et al. (2006): "Potential effects of climate change on marine mammals". Oceanography and Marine Biology: An Annual Review 44: 431-464.

Estado de conservación A Unión Internacional para a Conservación da Natureza e dos Recursos Naturais (UINC) considera que hai pouca información sobre a abundancia da poboación desta especie, e ningunha sobre a evolución da súa tendencia. Non se cre que sexa pouco frecuente, pero é potencialmente vulnerábel a ameazas de baixo nivel e non se pode descartar unha redución global do 30 % en tres xeracións. Por iso cualifica o status da especie como DD (datos insuficientes).

Notas

Véxase tamén

Bibliografía Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3. Díaz d'a Silva, J. I. e Cartelle, Y. (2007): Guía dos mamíferos de Galicia. A Coruña: Baía Edicións. ISBN 978-84-96893-20-7. Duguy, R. e Robineau, D. (1987): Guía de los mamíferos marinos de Europa. Barcelona: Ediciones Omega. ISBN 84-282-0811-5. Heyning, John E (2002): "Cuvier's Beaked Whale", en Jefferson, Thomas A. Encyclopedia of Marine Mammals, pp. 305–307. San Diego, California, USA: Academic Press. ISBN 0-12-5513040-2. Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8. Perrin, William F., Bernd Wursig & J. G. M. Thewissen, eds. (2002): Encyclopedia of Marine Mammals. 2ª ed. San Diego, California: Academic Press. ISBN 978-0-12-373553-9. Wilson, D. E. & Reeder, D. M., eds. (2005): Mammal Species of the World. A Taxonomic and Geographic Reference. Third edition. Baltimore, Maryland, USA: The Johns Hopkins University Press, 2 vols. ISBN 978-0-8018-8221-4.

Outros artigos Cetáceos Odontocetos Zifíidos Lista dos mamíferos de Galicia

Ligazóns externas Mesoplodon europaeus na ADW. Con abundante información . Gervais' Beaked Whale. Mesoplodon europaeus (Gervais 1855) na EOL. Gervais' Beaked Whale. Mesoplodon europaeus en Cetaceans of the World . Zifio de Gervais (Mesoplodon europaeus) en Cetáceos de Canarias .

Categoría:Ziphiidae Categoría:Cetáceos do océano Atlántico Categoría:Mamíferos de Galicia Categoría:Animais descritos en 1855