O río Carregal ou río do Carregal é un curso fluvial galego, afluente do río Deo, que discorre polo concello de Curtis.
Toponimia O topónimo Carregal é un fitónimo que fai referencia, tanto en galego como en portugués, a un terreo pantanoso no cal abunda a «cárrega» ou «carrega», planta gramínea tamén denominada carriza que nace nese tipo de lugares húmidos ou brañas. Procede do latín (de raíz *) co sufixo derivativo .
Percorrido Nace e morre na parroquia e concello de Curtis. O seu nacemento prodúcese a carón da N-634, á altura de Teixeiro, ó se uniren o rego de Abaixo e o rego do Medio.Folla 71-I titulada Curtis do ano 2014 do Mapa Topográfico Nacional de España a escala 1:25000. Atravesa en dirección norte a parroquia de Curtis, deixando á marxe esquerda os lugares do distrito de Santaia e á marxe dereita os do distrito de Teixeiro. No seu camiño recibe as augas dalgún regato menor. Preto da Ponte, no límite entre as parroquias de Curtis e Fisteus, forma o río Deo xunto co río Carballido. Mentres que algúns autores consideran que o Carregal é o curso alto do río Deo, outros consideran que é o Carballido.
Unha ruta de sendeirismo chamada Paseo Fluvial do Carregal acompaña parte do curso do río. Conecta co Centro Etnográfico do Río Mandeo, situado en Teixeiro.
Galería de imaxes
Notas
Véxase tamén
Ligazóns externas
Categoría:Curtis Categoría:Río Mandeo Categoría:Ríos da provincia da Coruña Categoría:Topónimos de ríos galegos con etimoloxía