William Gilbert Grace, nado en Downend o 18 de xullo de 1848 e finado en Mottingham (Londres) o 23 de outubro de 1915, foi un xogador de crícket inglés, importante no desenvolvemento do deporte e considerado un dos mellores xogadores da historia. Coñecido como "W. G.", xogou ao crícket de primeira clase durante un récord de 44 temporadas, entre 1865 e 1908, durante as que foi o capitán da selección de Inglaterra, o Gloucestershire, o Gentlemen, Marylebone Cricket Club (MCC), o United South of England Eleven (USEE) e outros máis.

As innovacións técnicas e a enorme influencia de Grace deixou un legado duradeiro. Destacado all-rounder, mellorou as habilidades esenciais en todos os aspectos do deporte, mais sobre todo é recoñecido polo bateo. Considérase que inventou o bateo moderno.

Grace procedía dunha familia do crícket, E. M. Grace foi un dos seus irmáns máis vellos e Fred Grace o seu irmán máis novo. En 1880, eran membros do mesmo equipo inglés, primeira vez en que tres irmáns xogaron xuntos en Test crícket. Grace practicou outros deportes, foi campión de 440 iardas obstáculos de novo e xogou ao fútbol cos Wanderers posteriormente. Máis adiante na súa vida, foi entusiasta do golf, dos birlos e do curling.

Licenciouse como médico en 1879. A causa da súa profesión, foi oficialmente un xogador de crícket afeccionado, mais dise que logrou máis cartos coa súa actividade no crícket que calquera xogador profesional. Era un xogador extremadamente competitivo e aínda que era unha das persoas máis famosas de Inglaterra, tamén foi moi controvertido polas súas tácticas deportivas e as súas ganancias.

Vida persoal miniatura|Grace coa súa esposa c. 1900 A pesar de vivir en Londres durante moitos anos, Grace nunca perdeu o seu acento de Gloucestershire.Rae, p.1. Toda a súa vida, tanto no crícket como na medicina, é inseparable da súa orixe familiar que estaba fortemente influído polo seu pai Henry Grace, que daba grande importancia ás cualificacións e estaba determinado a triunfar.Rae mentions on page 3 that Dr Henry Grace's medical qualifications were Licenciate of the Society of Apothecaries (LSA) in 1828 and Membership of the Royal College of Surgeons (MRCS) in 1830. Transmitiu a súa actitude a cada un dos seus cinco fillos.Rae, p.3. Por iso, como o seu pai e os seus irmáns, Grace escolleu unha carreira profesional na medicina, aínda que a causa do seu compromiso co crícket non completou esta cualificación como médico ata 1879 cando tiña 31 anos.Midwinter, p.75.

Grace casou o 9 de outubro de 1873 con Agnes Nicholls Day (1853–1930), filla do seu curmán William Day. Dúas semanas despois, comezaron a súa lúa de mel collendo un barco a Australia para a xira 1873-74 de Grace.Midwinter, pp.39–40. Regresaron da xira en maio de 1874 con Agnes embarazada de seis meses. O seu primeiro fillo William Gilbert júnior (1874–1905) naceu o 6 de xullo.Midwinter, p.54. Os Grace mudáronse a Londres en febreiro de 1875, cando W. G. foi asignado ao St Bartholomew's Hospital. O seu segundo fillo Henry Edgar (1876–1937) naceu en Londres en xullo de 1876.Midwinter, p.59. No outono de 1877, a familia volveu a Gloucestershire, onde viviron con Henry, irmán de Grace, médico xeral.

Grace lidou con numerosas traxedias na súa vida, comezando coa morte do seu pai en decembro de 1871.Midwinter, p.35. Tamén sufriu pola morte prematura do seu irmán máis novo Fred en 1880, só dúas semanas despois de que el, W. G. e E. M. xogaran nun Test por Inglaterra contra Australia.Midwinter, p.86. En xullo de 1884, o rival de Grace A. N. Hornby deixou de xogar nun partido do Lancashire contra Gloucestershire en Old Trafford para que E. M. e W. G. puidesen volver á casa ao recibir un cable que informaba da morte de Mrs Martha Grace aos 72 anos. A maior traxedia da vida de Grace foi a perda da súa querida filla Bessie en 1898, con vinte anos de febre tifoide.Midwinter, p.127. Despois, en febreiro de 1905, o seu fillo máis vello W. G. júnior faleceu de apendicite aos trinta anos.Midwinter, p.140.

Notas

Véxase tamén

Bibliografía

Barclays World of Cricket, 3rd edition (ed. E. W. Swanton), Willow Books, 1986. Article on W. G. Grace written by H. S. Altham

Ghost-written by Arthur Porritt.

Playfair Cricket Annual: 1948 edition, Playfair Books Ltd

Ligazóns externas Manchester Guardian – obituary Wisden Cricketers' Almanack – memorial tribute (1916) Wisden Cricketers' Almanack – W. G. Grace centenary CricInfo – Bearded Giant by E. W. Swanton, 18 de xullo de 1998 CricInfo – "Amazing Grace" by David Frith, 2 Aug 2010 Oxford Dictionary of National Biography, 2004 – W. G. Grace Mark Steel Lecture on W. G. First Broadcast 16 April 1999 BBC Radio 4 Great Lives on W. G. Grace – listen online: http://www.bbc.co.uk/programmes/p00glw73

Categoría:Nados en Gloucestershire Categoría:Nados en 1848 Categoría:Finados en 1915 Categoría:Xogadores de crícket