Paulo Castilho, nado en Matosinhos o 10 de febreiro de 1944, é un escritor e diplomático portugués.
Traxectoria Fillo do diplomático e ensaísta Guilherme de Castilho e da escritora Marta de Lima (pseudónimo de Zulmira Castilho), viviu de novo na África do Sul, Hong-Kong, Macau e Lisboa. Licenciouse en Dereito, na Universidade de Lisboa.
Como diplomático de carreira estivo en Washington D.C. no perído de 1970 a 1971 e Londres (conselleiro da embaixada) no período de 1980 a 1985. Foi tamén embaixador en Estocolmo, na Letonia e na Irlanda.. Foi representante de Portugal no Consello da Europa, en Estrasburgo.
É un narrador atento aos desencontros ideolóxicos entre a xeración dos 60 e a xeración dos 80 de Portugal. Nunha escrita que usa a técnica da alternancia de puntos de vista na observación desapaixonada mais exacta do comportamento humano e da realidade cotiá, o estilo novelístico de Paulo Castilho, con recursos á frase curta, frecuentemente nominal, nunha especie de zapping construtivo, descompón unha civilización dominada polos media, pola publicidade, por unha visión do mundo construída a partir da industria cinematográfica norteamericana.
Foi condecorado pola Presidência da República coa Grã-Cruz da Ordem do Mérito en 1995.
Publicacións
O Outro Lado do Espelho (1983). Ed. Notícias. 164 páxs. Fora de Horas (1989). Contexto Ed.: ISBN 978-9725750759. Dom Quixote (2006) ISBN 9789722018517. Sinais Exteriores (1993). Contexto Ed. 304 páxs. Parte Incerta (1997). Contexto Ed. 234 páxs. ISBN 978-9725752265. Por Outra Palavras (2000). Contexto Ed. 430 páxs. Letra e Música (2008). Océanos. ISBN 9789892303222. Domínio Público (2011). Dom Quixote. 408 páxs. ISBN 978-9722046442. O sonho portugués (2015). Dom Quixote. 472 páxs. ISBN 978-9722057530. Despesa (2019). Kindle Edition.
Premios
Premio Fernando Namora con Dominio Público (2012) Premio P.E.N. Club Portugués de Novelística con Fóra de Horas (1990) Grande Premio de Novela e Novela Curta APE/IPLB con Fóra de Horas (1989) Premio Municipal Eça de Queirós con Fóra de Horas (1989) Premio Literario Diario de Noticias con O Outro Lado do Espello (1984)
Notas
Categoría:Escritores de Portugal Categoría:Nados en 1944