Fernando Esteban Eusebio Virgós Pintos, nado en Santiago de Compostela o 26 de decembro de 1903 e finado en Meis o 7 de xullo de 1978, foi un médico galego.
Traxectoria Fillo de Leoncio Virgós Guillén, farmacéutico e médico santiagués. Estudou o bacharelato no Instituto de Santiago de Compostela. Fixo Medicina na Universidade de Santiago de Compostela (1921-1926). En 1928 aprobou en Madrid as oposicións a inspector de sanidade municipal. En 1930 exercía como médico en Meis; tamén exerceu en Caldas de Reis e Vilagarcía de Arousa. En 1940 foi nomeado vogal do colexio médico provincial.
Vida persoal
Casou con María del Rosario Cea Rey, e foi pai de María del Rosario, Fernando Nicolás Francisco Javier Esteban e María Teresa Virgós Cea.
Véxase tamén
Bibliografía
Categoría:Médicos de Santiago de Compostela Categoría:Nados en Santiago de Compostela Categoría:Nados en 1903 Categoría:Finados en 1978 Categoría:Personalidades de Galicia sen imaxes