Alexandra Asanovna Elbakyan, nada en Almati (RSS de Kazakhstán) o 6 de novembro de 1988, é unha programadora informática e neurocientífica kazakh. É coñecida como a Robin Hood da ciencia por fundar en 2011 o proxecto Sci-Hub, unha web que brinda acceso gratuíto a máis de 60 millóns de artigos científicos recentes.
The New York Times comparouna con Edward Snowden por divulgar información e evitar a lexislación estadounidense por residir en Rusia ; Ars Technica, en cambio, comparouna con Aaron Swartz .
Traxectoria Alexandra Elbakyan graduouse en Ciencias da Computación na Universidade Técnica Nacional Kazaka en Almati, Kazakhstán, especializándose en seguridade informática. Durante o último ano da súa carreira traballou nun sistema de seguridade que permitise recoñecer ás persoas identificando os patróns das súas ondas cerebrais. Tras graduarse traballou no Grupo De Interacción de Media Humana na Universidade de Twente no xogo controlado mentalmente "Bacteria Hunt". Máis tarde incorporouse ao Laboratorio de Actividade Nerviosa Superior Humana, dedicado ao estudo neuronal da consciencia. Traballou en "The Brain Machine Interfacing Initiative" na Albert-Ludwigs-Universität de Friburgo.
En abril de 2016, os seus estudos de neurociencia interrompéronse, pero seguía cursando un máster en Historia da Ciencia nunha pequena universidade privada nun lugar descoñecido e a súa tese céntrase na comunicación científica.
O proxecto Sci- Hub O 5 de setembro de 2011, Alexandra Elbakyan creou Sci-Hub, un sitio web que outorga acceso inmediato e gratuíto a calquera usuario a unha enorme porcentaxe dos artigos científicos publicados polas principais editoriais e distribuidoras académicas dixitais en canto estes son postos en liña. A maioría destes artigos son só accesibles, nas páxinas correspondentes, mediante o pago dunhas tarifas que adoitan roldar os 20-30€ por artigo.
O 3 de xuño de 2015 Elsevier presentou unha demanda #ante un tribunal en Nova York contra Alexandra Elbakyan por infracción de dereitos de copyright e por violación da "Computer Fraud and Abuse Act". Elbakyan era a única persoa física nomeada na demanda, que tamén se dirixe contra os sitios web Sci-Hub, Library Genesis e os seus responsables. En novembro de 2015 o xuíz do distrito de Nova York Robert W. Sweet emitiu unha orde provisional de peche contra Sci-Hub, facendo que o dominio fose inaccesible. O sitio volveu estar accesible ese mesmo mes tras cambiar o dominio de Sci-Hub a ". tw". O tráfico real do sitio non é coñecido. Mentres Elsevier alega que o número de visitas oscila ao redor das 30.000 diarias, a propia Elbakyan coloca o número de visitas nos "centos de miles" cada día.
En decembro de 2016, a revista Nature nomeou a Elbakyan como unha das dez persoas máis destacadas do ano debido ao impacto que tivo Sci-Hub no mundo da ciencia. Seis meses máis tarde (xuño de 2017) Elbakyan perdeu o xuízo contra Elsevier e foi condenada a pagar unha multa de 15 millóns de dólares en compensación á infracción de dereitos de autor. Con todo, ao estar fóra da xurisdición dos Estados Unidos (nación onde se fixo o xuízo), Elbakyan non foi perseguida en Rusia (lugar de residencia) para pagar esta multa e mesmo se dubida se algunha vez farao. Aínda que, nun artigo publicado en The Verge, adxudícase o concepto de Sci- Hub a unha influencia directa do sociólogo Robert Merton, Elbakyan aclarou posteriormente que aínda que coñeceu o traballo de Merton, a influencia directa foi o concepto familiar nos estados pertencentes á URSS de que "a ciencia e o comunismo son inseparables".
Notas
Véxase tamén Ligazóns externas La joven que desafía a las editoriales con su 'Pirate Bay' de artículos científicos en El Confidencial, 17/06/2016 [http://smoda.elpais.com/placeres/alexandra-elbakyan-la-robin-hood-la-ciencia/ La 'Robin Hood of Science'''], en Smoda, 21/04/2016'' Alexandra Elbakian, retrato alfabético no blog Mujeres con Ciencia.
Categoría:Personalidades de Kazakhstán Categoría:Nados en 1988 Categoría:Nados en Almati Categoría:Personalidades da informática