Abiy Ahmed Ali (en , en , a miúdo acurtado como Abiy Ahmed ou só Abiy), nado o 15 de agosto de 1976, é un político etíope que dende o 2 de abril de 2018 é o cuarto e actual primeiro ministro de Etiopía.
Segue sendo presidente tanto do partido Fronte Democrática Revolucionaria do Pobo Etíope (FDRPE) como do Partido Demócrata Oromo (PDO, que é un dos catro partidos en coalición coa Fronte Democrática). Abiy é tamén membro electo da Asemblea Parlamentaria Federal, e un membro dos comités executivos do FDRPE e do PDO.
Un antigo oficial de intelixencia militar, dende que se converteu en primeiro ministro lanzou un amplo programa de reformas políticas e económicas, mais non todas as propostas contan co apoio dos partidarios da constitución federal, ou na rexión de Tigray (onde a reforma de Abiy é considerada selectiva en contra dos tigriñas).
O 11 de outubro de 2019, anunciouse a Abiy Ahmed como gañador do Nobel da Paz "polos seus esforzos a prol da paz e da cooperación internacional e, en particular, pola súa decisiva iniciativa para resolver o conflito fronteirizo coa veciña Eritrea".
En outubro de 2021, Abiy Ahmed xurou oficialmente un segundo mandato de 5 anos.
Notas
Categoría:Nados en 1976 Categoría:Alumnos da Universidade de Adís Abeba Categoría:Primeiros ministros de Etiopía Categoría:Políticos de Etiopía Categoría:Premio Nobel da Paz