Bandeira de Lugo

A bandeira da cidade de Lugo descríbese no Decreto 167/2012, do 26 de xullo, polo que se aproba a bandeira do Concello de Lugo do DOG n.º 151, publicado o mércores, 8 de agosto de 2012.

O brasonado versa o seguinte: "Sobre o pano branco as armas da cidade, sostidas por dous leóns enfrontados de amarelo, linguados e armados de vermello".

Este deseño, de carácter historicista e proposto por Eduardo Pardo de Guevara y Valdés, substitúe ao anterior, de 1942.