Adamo Adami, O.S.B. Silv., nado en Castelplanio en 1811 e finado en Castelplanio o 20 de xullo de 1889, foi un monxe católico latino, abade mitrado da Congregación Beneditina Silvestrina e participante no Concilio Vaticano Primeiro.
Traxectoria Naceu en 1811. En 1856 foi elixido abade xeral da súa congregación por un período de seis anos. Durante o seu goberno o mosteiro de San Bieito de Fabriano, sede central da congregación, foi suprimido no marco das leis de comiso dos bens eclesiásticos: o 16 de marzo de 1861 os monxes foron expulsados do mosteiro e o abade retirouse á súa casa paterna de Castelplanio.
En 1862 a Congregación debía celebrar o seu capítulo xeral para elixir novo abade, mais por mor dos trastornos ocasionados pola supresión o capítulo foi aprazado anualmente até 1872. Neste período o abade Adami foi padre conciliar no Concilio Vaticano Primeiro. En 1872 a Congregación dos Bispos e Regulares permitiu o capítulo, que foi celebrado o 11 de xuño e no que foi elixido Vincenzo Corneli. Adami finou en Castelplanio o 20 de xullo de 1889.
Notas
Categoría:Nados en 1811 Categoría:Nados en Castelplanio Categoría:Finados en 1889 Categoría:Silvestrinos Categoría:Relixiosos católicos de Italia Categoría:Sacerdotes católicos de Italia Categoría:Sacerdotes da Igrexa católica latina Categoría:Sacerdotes católicos do século XIX Categoría:Participantes no Concilio Vaticano Primeiro